Čapisrástágâš
| Čapisrástágâš Turdus merula (Linnaeus, 1758) |
|
|---|---|
.jpg) |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Varbuslodeh Passeriformes |
| Hiäimu | Rástágááh Turdidae |
| Suuhâ | Turdus |
| Šlaajâ | merula |
Čapisrástágâš (Turdus merula) lii varbusluudij laahkon kullee loddešlaajâ. Tot lii Uusimaa eennâmkode já Ruotâ aalmuglâšlodde.[3]
Stuárudâh já tobdomeerhah
[mute | mute käldee]Čapisrástágâš lii 23,5–29 cm kukkosâš lodde, mii tiäddá 80–135 g. Orráás puuzah láá čappâdeh, já tast lii oransis teikkâ fiskis njune já čalmeriegis. Niŋálâs já nuorâ čapisrástágáá puuzah láá tevkisruškâdeh. Niŋálâs čuudâ lii kuovgâdub já raddeest láá tiälhuh.[3]
Čapisrástágáá lávlum lii rávhálâš já huilolágán njurgiistâllâm.[4]
Lavdâm já eellimpiirâs
[mute | mute käldee]Čapisrástágâš iälá masa ubâ Euroopist, Tave-Afrikist, Aldanuorttân sehe Maadâ- já Maadânuorttii-Aasiast. Tot lii ištâdum meiddei Australian já Uđđâ-Seelandân. Suomâst čapisrástágâš pessee Maadâ- já Koskâ-Suomâst, mut ton lavdâm lii Maadâ-Laapi räi. Suomâ pessimnääli lii áárvu mield 400 000−600 000 paarrâd.[3]
Čapisrástágáá eellimpirâsin láá siähálâs- já lostâvyevdih[3], mut šlaajâ kávnoo meid muorâstuvâin já šiljoin.[4]
Motomeh čapisrástágááh tálvástâleh Suomâst, mut stuárráámus uási värrejeh Viestâr-Euroopân. Čohčâvarrim lii čohčâ-skammâmáánust já kiđđâvarrim njuhčâ-cuáŋuimáánust. Čapisrástágâš lii iänáážin ijjâvärrejeijee.[3]
Lasanem
[mute | mute käldee]
Čapisrástágáá piervâl lii enâmist teikkâ muorâst táválávt vuálá 3 m aloduvvâst. Niŋálâs mannee cuáŋui-vyesimáánust 2–6 mane já láálá taid 11–14 peivid. Maneh láá čuovjisruánááh já tain láá ruškes tiälhuh. Uđâgááh vyelgih piervâlist 12–16 peeivi ahasâžžân.[3] Sehe ores já niŋálâs piemmâv uđâgáid. Máánáh láá 1–2 ivveest (kaavpugist motomin meid 3).[4]
Raavâd
[mute | mute käldee]Čapisrástágâš porá čielgimielgâsttemijd, muorjijd já siemânijd.[3]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Čapisrástágâš.
Käldeeh
[mute | mute käldee]- ↑ IUCN Red List Čujottum 30.07.2022 (eŋgâlâskielân)
- ↑ Valkama, Jari: Čapisrástágâš – Turdus merula Suomen Lajitietokeskus. 2019. Čujottum 30.7.2022. (suomâkielân)
- ↑ 3,0 3,1 3,2 3,3 3,4 3,5 3,6 Mustarastas, Turdus merula - Linnut - LuontoPortti luontoportti.com. Čujottum 30.7.2022. (suomâkielân)
- ↑ 4,0 4,1 4,2 Koskimies, Pertti: Suomen lintuopas, s. 195. 4. riäntus. WSOY, 2018. (suomâkielân)