Wikipedia:Oho artikkâl/20 (2024)
Siida lii museo já luándukuávdáš Aanaar markkânist. Siidast tuáimih Säämimuseo sehe Meccihaldâttâs Paje-Laapi luándukuávdáš. Säämimuseo lii Suomâ sämmilij aalmuglâšmuseo já ton hovdâ lii Taina Pieski. Vyesimáánu 4. peeivi 2024 Siida väljejui Ive eurooplâš museon.
Siida čáitálduvah muštâleh sämmilâš kulttuurist, historjást sehe Paje-Laapi luándust. Siida-rakânâs vijđedui iivij 2020–2022 já siämmást ton čáitálduvah uđâsmuvvii.