Vuáksátaištâlem
Vuáksátaištâlem lii ärbivuáválâš valastâllâmšlaajâ, mii lii piivnoh eromâšávt Espanjast. Motomijn enâmijn vuáksátaištâlmeh láá ain lováliih, tego Espanjast, Perust, Ecuadorist já Meksikost.[1][2]
Espanjalâš vuáksátaištâlem[mute | mute käldee]
Tijpâlii espanjalii vuáksátaištâlmist lii puáris kaava. Vistig matador adai koddee iädut vuávsá tobdos ruopsis lijnijnis. Tastoo picadoreh adai čuággooh puátih hiäppušáin areenan siisâ. Sij čuágguh vuávsá saitijgijn niiskán, tastko sij áiguh háváduttiđ ellee já toin naalijn pijnediđ tom jaamâs.[1][2]
Tastoo nuuvt kočodum banderilleroh, kiäh meid láá matador išedeijeeh, čuágguh vuávsá ivnáás harppuunaigijn. Sij vaibâdeh ellee val lase, mon maŋa puátá tercio de muerte adai jäämmimuási. Matador kiävttá vala ohtii jieijâs lijne já iädut vuávsá. Loopâst sun čyeggee vuávsá miehhijn, mon maŋa ellee varda jaamâs.[1][2]
Taištâlmijn ellee táválávt ain jáámá. Tuše mottoom tove ellee uážžu áármu keččein. Vuáksátaištâlem lii varâlâš taištâleijeid mut harvii kuittâg taggaar, et taištâleijeeh jiejah kudduuččii.[1][2]
Historjá[mute | mute käldee]
Kiäldu Kataloniast[mute | mute käldee]
Espanja kuávlu Katalonia kieldij vuáksátaištâlmijd ive 2010.[1][2]
Kiäldu Kolumbiast[mute | mute käldee]
Kolumbia parlament jienâstij vyesimáánu 28. peeivi 2024 uđđâ lahâiävtuttâs peeleest, mii kiäldá vuáksátaištâlmijd kuulmâ ive siste. Kolumbia lâi ornim vuáksátaištâlmijd ton rääjist ko Espanja kolonisistij eennâm.[1][2]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Vuáksátaištâlem.
