Tromsa ollâškovlâ
Tromsa ollâškovlâ (tárukielân Høgskolen i Tromsø, uán. HiTø) lâi ollâškovlâ Tromssaast. Tot lâi ohtâ Taažâ 24 staatâlii ollâškoovlâst ive 2009 räi. Ollâškoovlâst lijjii suulân 3 000 uápped já 300 parged, ko tot lohtui Tromsa ollâopâttâhân.
Historjá[mute | mute käldee]
Ollâškovlâ vuáđudui porgemáánu 1. peeivi 1994, ko Tromsa tiervâsvuođâtiettui ollâškovlâ, Tromsa merâtiettui ollâškovlâ, Tave-Taažâ muusikkonservatorio já Tromsa máttáátteijei ollâškovlâ lahtojii uđđâ ollâškoovlân uássin Taažâ ollâškovlâuđâsmitmist.
Uđđâivemáánu 1. peeivi 2009 ollâškovlâ lohtui Tromsa ollâopâttâhân.
