Njuškii siskáldâsân

Suomâlanne

Wikipedia:st
Suomâlanne

Suomâlanne (suomâkielân Suomenlinnaruotâkielân Sveaborg) lii tego uccâ kaavpug Helsig ulguubeln. Tot lii merâlanne, mon huksim aalgij ive 1748. Lane tárguttâssân lâi pyerediđ Suomâ piäluštâs soođijn, já tot lii toimâm taampâi toorjâsaijeen.

Ive 1750 kunâgâs Fredrik I tuhhiittij laanan noomâ Sveaborg, mii šoodâi suomâkielân nommân Viaborg. Noomâ tárguttâssân lâi tiäduttiđ, ete lanne já ubâ Suomâ kullii Ruotâ väldikoodán.

Suomâlane algâalgâlâš uáivisiisâpeessâm tobdoo nommân Kunâgâsporttâ. Tom aneh Suomâlane tubdâldâhhân. Kunâgâsporttâ lii kyevtkiärdásâš, já tom čiŋâtteh kerdilistoh sehe jurbâ já kuhendâlâšjurbâ kiiváárääigih já muštokoolbah. 1700-lovvoost Kunâgâsporttâ muttui njeeijâmšalden, já ton oovdân huksejui ruggâ.

Suomâlanne lii toimâm nuuvt ruátálij, ryeššilij ko syemmilij-uv lannen. Ton algâalgâliih ráhtuseh láá siäilum nuuvt pyereest, ete tot kulá tääl UNESCO maailmärbiliiston.[1] Sehe syemmiliih ete olgoeennâmliih turisteh láá kavnâm taam tovláin aaigijn muštâleijee lane. Párnáid uárnejum fiäráneh sevŋis vázáttuvâin hokâttâleh suollui ennuv turistijd keessiv.

Suomâlaanan puáhtá mađhâšiđ pirrâ ive tamppáin. Keessiv tuohu piäsá meiddei čäcibussijn.

Fáádást eres soojijn[mute | mute käldee]

Käldeeh[mute | mute käldee]

  1. Fortress of Suomenlinna UNESCO World Heritage Centre. Čujottum 5.9.2023. (eŋgâlâskielân)