Stromae

Stromae
Persovntiäđuh
Šoddâm	njuhčâmáánu 12. peeivi 1985
Šoddâmsaje	Etterbeek, Bryssel, Belgia
Musikkár
Artistnommâ	Stromae
Lávlumkielah	ranskakielâ
Aktiivlâžžân	2000–
Genreh	elektronisâš muusik, new beat, house
Čuojânâsah	kuoskâttâhčuojânâs, syntetisaattor, ruumbuh
Skiärrufinnodâh	Mosaert, Vertigo, Universal
Lasetiäđuh
Päikkisijđo	stromae.com

Paul Van Haver (š. njuhčâmáánu 12. peeivi 1985, Etterbeek, Bryssel, Belgia), kiäm pyerebeht tobdeh artistnoomáin Stromae, lii belgialâš-ruandalâš lávloo, šuoŋârähtee já musikkár.

Eellim

Paul van Haver šoodâi ive 1985 Etterbeekist, Brysselist. Suu eeči, arkkiteht Pierre Rutare, lâi Ruanda tutsi, kii lâi varrim Belgian uápui tet. Rutare kaartâi kuittâg varriđ maassâd Ruandan masa te tállân van Haver šoddâm maŋa. Nuuvtpa suu enni, belgialâš flaami Miranda Marie Van Haver, pajasšoddâdij suu. Van Haver kuittâg kollij enijnis Ruandast 1980-lovo loopâst, já eeči-uv kollij Belgiast jyehi ive. Tot ij kuittâg jotkum kuhháá, tastko ive 1994 Rutare jaamij Ruanda aalmugkoddemist.

Van Haver uápásmui jo tooláá eres enâmij muusikân suu eeni áánsust. Pärnin sun speelâi čiehčâmpáálu, čuojâttij ruumbuid já juuđij muusikteoriatiijmijd. Oovtâst enijnis, oobijnis já kulmáin viljâinis, sij assii kievhis ovdâkaavpug kuávlust Bryssel ulguupeln, mutâ ko van Haver 16-ihásâžžân feilij almolâš škoovlâst, te ennis vuolgâttij suu jesuiitškoovlân Godinnen.

Diskografia

Válduartikkâl: Stromae diskografia

Studioalbumeh

• Cheese (2010)
• Racine carrée (2013)
• Multitude (2022)

Singleh

• ”Faut qu’t’arrêtes le rap...” (2005)
• ”Up saw liz” (2009)
• ”Alors on danse” (2009)
• ”Bienvenue chez moi” (2010)
• ”Te quiero” (2010)
• ”House’llelujah” (2010)
• ”Rail de musique” (2010)
• ”Peace or Violence” (2010)
• ”Silence” (2010)
• ”Je cours” (2010)
• ”Papaoutai” (2013)
• ”Formidable” (2013)
• ”Tous les mêmes” (2013)
• ”Ta fête” (2014)
• ”Ave Cesaria” (2014)
• ”Meltdown” (oovtâst Lordein, Pusha Táin, Q-Tipáin já Haimáin) (2014)
• ”Carmen” (2015)
• ”Quand c’est?” (2015)
• ”Repetto X Mosaert” (2017)
• ”Défiler” (2018)
• ”Santé” (2021)
• ”L’enfer” (2021)