Njuškii siskáldâsân

Skammâkoveh 2025

Wikipedia:st
Muotâteatter uđđâivemáánu 23. peeivi 2025
Skammâkoveh 2025 -festivaal postereh Siidast

Skammâkoveh 2025 teikkâ Skammâkoveh-elleekovefestivaal 2025 lâi 26. kerdi, ko Skammâkoveh-elleekovefestivaal uárnejui. Festivaal uárnejui uđđâivemáánu 23.26. peeivij Anarist.[1] Suomâ staatâ ruttâšiäštutooimâi keežild káidusfestivaal ij uárnejum.[2]

Ive 2025 elleekoveh já kyesih pottii maailm jyehi nurheest. Sämmilij kuosij lasseen festivaalân pottii Amerik algâaalmugkyesih – tavemuuh Nunavutist já mädimuuh Brasiliast. Ive 2025 festivaalist ellii ohtsis 3 800 olmožid.[3]

Tábáhtussajeh

[mute | mute käldee]
Kove Tábáhtussaje
Sämikulttuurkuávdáš Sajos
Siida
Muotâteatter

Ohjelm

[mute | mute käldee]

Festivaal ohjelmist lijjii čiččâm nuuvtá čáittusid já miäldusohjelmid. Ohtâ tain lâi ärbivuáválâš lekkâmohjelm muotâteatterist.[2] Ohjelmist lijjii elleekoveh ei. Säämist, Brasiliast, Nunavutist, Sierra Leonest, Andiváráduvvâst, Jakutiast já Aleut-suolluin.[2]

Elleekoveh

[mute | mute käldee]

Festivaalist lijjii 73 elleekovveed já 1 muusikvideo. Fáárust lâi meiddei Taažâ pele stivrejeijee Egil Pedersen stivrim "Biru Unjárga", mii lii vuossâmuš sämmilâš kuhes nuorâielleekove. Tot muštâl, maht sämmilâš nuorâ nieidâ eellim nubástuvá, ko suu olmâ eeči almostuvá suu elimân.[2]

"Sämmiliih čalmelaasah" -elleekooveest mottoom almai kávná čalmelaasâid, já ko sun piäjá taid uáivásis, te sun kávná jieijâs aaibâs eres saajeest. Nubbe uánihis elleekove lâi jakutialâš animaatio, mast uccâ nieidâš lii vyelgimin vuossâmuu tove munkhan, aalmug ärbivuáváláid tälvituáloid kyelipiivdon.[2]

Elleekovestis "Red Fever" Cree-stivrejeijee Neil Diamond kovvee, moin naalijn muoti, politiik já valastâllâm maailm lii ávhástâllâm Tave-Amerik algâaalmugij kulttuuráin já kuvijguin.[2]

Fáádást eres soojijn

[mute | mute käldee]

Käldeeh

[mute | mute käldee]

  1. Skammâkoveh: Algâaalmugij elleekovefestivaal Skábmagovat Inari, Aanaar, Finland 23.1.-26.1.2025 skabmagovat.fi. Čujottum 25.11.2024.
  2. a â b c č d Nikula, Kaisu: Skammâkoveh 2025 aldaneh Anarâš aavis. 23.1.2025. Čujottum 23.1.2025.
  3. Torikka, Xia: Skábmagovain ledje lagabui 4000 galledeaddji yle.fi. 27.1.2025. Čujottum 27.1.2025. (tavesämikielân)