Sämioppuu

Wikipedia:st
Sämioppuu
Strix nebulosa
(Forster, 1772)
Tile LC (eellimvuáimálâš)[1]
Tile Suomâst LC (eellimvuáimálâš)[2][3]
Tieđâlâš luokittâllâm
Doomeen Sellâvááimusliih Eucarya
Kodde Elleekodde Animalia
Uáiviráiđu Savosuonâsiih Chordata
Vyeliráiđu Čielgitávtáliih Vertebrata
Luokka Lodeh Aves
Lahko Oppuulodeh Strigiformes
Hiäimu Oppuuh Strigidae
Suuhâ Särgisoppuuh Strix
Šlaajâ nebulosa

Sämioppuu ađai ränisoppuu (Strix nebulosa) lii oppuuluudij laahkon kullee loddešlaajâ.

Stuárudâh já tobdomeerhah[mute | mute käldee]

Sämioppuu lii stuorrâ, 59–68 cm kukkosâš oppuu, mon suájákeejij koskâ lii 128–148 cm. Ores tiäddá 0,65–1,1 kg já stuárráb niŋálâs 1–1,9 kg. Sämioppuu ađai ränisoppuu lii noomâs mield räniskirjáás lodde. Ton uáivi lii styeres, näämi lii sárgáá já njune sehe uccâ čalmeh láá fiskâdeh. Čoolmij paajaabeln láá vielgis sárgáh tego čalmekulmesoksâmeh. Kuhes pottâš keeči lii tevkkâd.[4]

Lavdâm já eellimpiirâs[mute | mute käldee]

Sämioppuu iälá Euroop, AasiaAmerik taveoosijn. Suomâst tot pessee iänáážin JoensuuKokkola taavaabeln, mut pyeri säpligive lavdâm lii stuárráb meiddei Maadâ-Suomâst. Sämioppuu lii puáris kuáccee- já siähálâsvuovdij lodde.[5] Suomâ pessimnääli lii áárvu mield 300–2 000 paarrâd. Sämioppuu lii päikkilodde, mut motomin tot vaajâld ravâdâs usâdijnis.[4]

Sämioppuu maneh

Lasanem[mute | mute käldee]

Niŋálâs mannee njuhčâ-cuáŋuimáánust 4–7 manneed já láálá taid mánuppaje. Uđâgááh vyelgih piervâlist suullân kuulmâ oho ahasâžžân, jo kuhháá ovdil ko toh mättih kirdeđ.[4]

Raavâd[mute | mute käldee]

Sämioppuu porá iänáážin uccâ jursseid. Tärhis kuloááicu áánsust tot puáhtá kavnâđ taid meiddei tälviv cuoŋŋuu vyelni.[4]

Käldeeh[mute | mute käldee]

  1. IUCN Red List Čujottum 10.10.2021 (eŋgâlâskielân)
  2. Valkama, Jari: Sämioppuu – Strix nebulosa Suomen Lajitietokeskus. 2019. Čujottum 31.3.2022. (suomâkielân)
  3. BirdLife Suomi Čujottum 10.10.2021 (suomâkielân)
  4. 4,0 4,1 4,2 4,3 Luontoportti Čujottum 10.10.2021 (suomâkielân)
  5. Suomen lintuatlas Čujottum 7.10.2021 (suomâkielân)