Roxy Music (album)
| Roxy Music Roxy Music | ||
|---|---|---|
| Studioalbum tiäđuh | ||
| Päddejum | 14.–29. njuhčâmáánu 1972 | |
| Studio | Command Studios, Lontoo | |
| Almostittum | kesimáánu 16. peeivi 1972 | |
| Pyevtitteijee(h) | Peter Sinfield | |
| Šlajâtijppâ | taaiđârock, glam rock | |
| Pištem | 43.00 | |
| Skiärrufinnodâh |  Island Records,  Reprise Records
| |
| Roxy Music eres almostitmeh | ||
| Roxy Music 1972 |
For Your Pleasure 1973 | |
Roxy Music lii eŋlandlâš Roxy Music -rockjuáchu vuosmuš album. Albumist ovtâstuveh 1950-lovo rock já komovuotâääigi elektroniik. Album puoh pittáid lii čáállám juávhu lávloo Bryan Ferry. Eteh, ete albumist lâi merhâšittee vaikuttâs 1970-lovo muusikân já tom aneh vala-uv ohtân pyeremuin, innovatiivlumosijn já jiäráskitteemuin vuosâalbumijn.
Album pyeremus sajâttah Britannia albumlistoost lâi 10. saje čohčâmáánust 1972. Single "Virginia Plain", mii ij kuittâggin lamaš fáárust album algâalgâlâš almostitmist, pajanij singlelisto sajan 4. Basist Graham Simpson iäránij juávhust album jienâttem já almostittem kooskâst.
Album lokkekove lii finnim vaikuttâsâid 1950-lovvoost, já tast lii kove mannekiin Kari-Ann Mullerist.
Pitáh
[mute | mute käldee]Puoh pittáid lii čáállám Bryan Ferry.
| Num. | Nommâ | Huámášutmeh | Kukkodâh |
|---|---|---|---|
| 1. | "Re-Make/Re-Model" | 5.14 | |
| 2. | "Ladytron" | 4.26 | |
| 3. | "If There Is Something" | 6.34 | |
| 4. | "Virginia Plain" | Ij lamaš fáárust algâalgâlâš Britannia-almostitmist | 2.58 |
| 5. | "2HB" | 4.30 |
| Num. | Nommâ | Kukkodâh |
|---|---|---|
| 6. | "The Bob (Medley)" | 5.48 |
| 7. | "Chance Meeting" | 3.08 |
| 8. | "Would You Believe?" | 3.53 |
| 9. | "Sea Breezes" | 7.03 |
| 10. | "Bitters End" | 2.03 |
| Ohtsis: | 43.39 | |
Čuojâtteijeeh
[mute | mute käldee]- Bryan Ferry – laavlâ, piano
- Brian Eno – syntetisaattor
- Andy Mackay – oboe, saksofon
- Phil Manzanera – kiitaar
- Graham Simpson – basso
- Paul Thompson – ruumbuh
