Reijo Ståhlberg
Reijo Einar Ståhlberg (š. čohčâmáánu 21. peeivi 1952, Tammisaari, Suomâ) lii syemmilâš paŋkkihovdâ, finnodâholmooš, toimâttâshovdâ já oovdiš kuulauigâdeijee.
Eellim
[mute | mute käldee]1970-lovvoost Ståhlberg já sávrudâhkäččee Pirjo Vihonen naajáin.
Valastâllâm
[mute | mute käldee]Kuulauigâdeijen Ståhlberg ovdâstij Suomâ maaŋgâin almosvalastâllâmkištoin sehe Euroopist já maailmist. Kištottâllâm ääigi sun vuoitij 9 Suomâ miäštárkišto já 3 EM-hallâmiäštárkišto (iivij 1978, 1979 já 1981).[1] Ton lasseen suu 21,69 m uigâdem vyesimáánu 5. peeivi 1979 Fresnost, Kaliforniast lii vala-uv kuulauigâdem olgorađe Suomâ ulâttâs.[1] Iivij mield Ståhlberg uigâdij ohtsis 8 sis- já olgorađe Suomâ ulâttâssâd.[1]
Euroop kištoh
[mute | mute käldee]Ive 1974 almosvalastâllâm Euroop miäštárkištoost Ståhlberg poođij ohtnubálovádin. Čuávuváá miäštárkištoost nelji ive maŋeláá sun poođij niäljádin. Ive 1982 almosvalastâllâm Euroop miäštárkištoost sun poođij ovcádin.
Kesiolympialiih
[mute | mute käldee]Ståhlberg uásálistij kuohtii kesiolympialáid. Vuossâmuu keerdi ive 1976 kesiolympialáid Montréalist já nube keerdi ive 1980 kesiolympialáid Moskovast. Montréalist sun poođij ohtnubálovádin almai kuulauigâdmist já Moskovast niäljádin.
20 m kerho
[mute | mute käldee]Ive 1983 vuáđudui kerho puoh syemmilijd kuulauigâdeijeid, kiäh láá uigâdâm kuula ucemustáá 20 m virgálii kištoost. Ståhlberg lâi niäljád syemmilâš, kii peesâi keerhon. Sun lii toimâm meid kerho saavâjođetteijen.
Käldeeh
[mute | mute käldee]- ↑ a â b Ståhlbergin kuulatyönnön SE:stä 40-vuotta: ”Tuokon kanssa takapenkillä laulettiin”. Yleisurheilu.fi. 3.5.2019. Čujottum 23.9.2021 (suomâkielân)