Puárree

Wikipedia:st
Njuškii navigistmân Njuškii ucâmân

Puárree lii puoh oovtkiärdánumos čäcijotteemniävvu. Tot lii rahtum suárvikooldâin, moh láá pieijum paldlâs já čoonnum piäsáduvâigijn oohtân neljijn tuárismuoráin, moh láá koldâkejij vuoluu- já paajaabeln. Talle taarbâščoonnâđ piäsáduvâigijn tuše robdâmuid kooldâid kiddâ. Jis lii uáivilist rähtiđ pyereeb puárree, ovdâmerkkân veikkâba jodottâllâm várás, te talle ráhtojeh koldâkeijijd sálvuseh já toid piäijoo nuárvi toollâđ taid oovtâst. Jis puárree lii rahtum jodottâllâm várás, te talle robdáid ráhtojeh ááŋuh já suhhee čokkáá piälhu alne, ko nubbe kuáhá joddee. Jis puárree vuod lii rahtum tuše juuvâ rastajotteem várás, te talle tast kalga leđe še čyeimi. Tááláá ääigist puárree lii härvinâš já rahtum-uv tuše juuvâ rastaldittim várás.[1]

Keejâ meid[mute | mute käldee]

Käldeeh[mute | mute käldee]

  1. Mattus, Ilmari: Njollâäitti já jyelgiäitti. Anarâš-kalender 2000, 2000. Anarâškielâ servi ry.