Ponjemiestâ
Njuškii navigistmân
Njuškii ucâmân
Ponjemiestâ (Frangula alnus teikâ Rhamnus frangula) lii miestâ, mii lii uáli härvinâš Säämist.[1]
Tobdomeerhah[mute | mute käldee]
Miestâ šadda muádi meetter alosâžžân já tot sulâstit tuomâ. Lostâ lii leibiloostâ hámásâš. Miestust láá uccâ vielgis lieđeh, moh ruánnájeh. Tähtimyerjih láá aalgâst tevkisruopsâdeh já loopâst masa čappâdeh.[1]
Mirhâlâšvuotâ já kevttim[mute | mute käldee]
Párkku lii kevttum činehumtaavdâ váddoid. Taan ääigi párkku ij innig ennust njolduu, veikkâ toin puáhtá päiniđ ulloid fiskâdin. Vorâs párkku já myerjih láá mirhâliih, toh vyevsitteh.[1]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Ponjemiestâ.
Käldeeh[mute | mute käldee]
- ↑ 1,0 1,1 1,2 Aikio, Jouni: Säämi myerjih. Anarâš-kalender 2004, 2004. Anarâškielâ servi ry.