Piiččus
| Piiččus Pluvialis apricaria (Linnaeus, 1758) |
|
|---|---|
.jpg) |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2][3] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Riddolodeh Charadriiformes |
| Vyelilahko | Kalâččeijeeh Charadrii |
| Hiäimu | Pluvialidae |
| Suuhâ | Laahuleh Pluvialis |
| Šlaajâ | apricaria |
Piiččus lii Euroop já Aasia taveoosij kalâččeijee.
Stuárudâh já tobdomeerhah[mute | mute käldee]
Piiččus lii 25–28 cm kukkosâš lodde, mii tiäddá 160–220 g. Suájái koskâ lii 53–59 cm. Ton selgipeeli lii čapis- já fiskiskirjáá. Čapis čuávji já seelgi kooskâst lii vielgis säärgis. Uánihis njune lii čappâd já jyelgih láá čapisránáseh. Piiččus jienâ lii "pyiih"-njuurgâs.[4]
Lavdâm já eellimpiirâs[mute | mute käldee]
Piiččus pessee Tave-Euroopist já -Ruošâst, Ruánááenâmist sehe Uárji-Aasia taveoosijn. Euroopist pessejeh suulân 460 000 paarrâd já Suomâst áárvu mield 50 000–80 000 paarrâd. Suomâst piiččus pessee tavveen tuodârkuávluin já mäddin eromâšávt Satakunta já Poođâeennâm jeegijn.[5] Varrim ääigi piiččusmuáđih orosteh piälduin já ridoin. Piiččus värree tálvástâllâđ Koskâmeerâ kuávlun já Uárji-Euroopân syeini-roovvâdmáánust já máccá pessiđ Suomân cuáŋui-vyesimáánust.[4]
Lasanem[mute | mute käldee]
Piiččus piervâl lii vyeligis kyeppi, kuus tot mannee vyesimáánust nelji mane. Ores já niŋálâs läälih moonijd 27–29 peivid. Uđâgááh oceh tooláá jieijâs ravâdâs já kirdeškyetih 28 peeivi ahasâžžân.[4]
Raavâd[mute | mute käldee]
Piiččus porá čielgitävtittes elleid.[4]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Piiččus.
Käldeeh[mute | mute käldee]
- ↑ IUCN Red List Čujottum 21.6.2021 (eŋgâlâskielân)
- ↑ Valkama, Jari: Piiččus – Pluvialis apricaria Suomen Lajitietokeskus. 2019. Čujottum 30.3.2022. (suomâkielân)
- ↑ Suomen lintuatlas Čujottum 21.6.2021 (suomâkielân)
- ↑ 4,0 4,1 4,2 4,3 Luontoportti.fi Čujottum 21.6.2021 (suomâkielân)
- ↑ Suomen lintuatlas Čujottum 21.6.2021 (suomâkielân)