Ngũgĩ wa Thiong'o

Ngũgĩ wa Thiong'o

Šoddâm	James Ngugĩ uđđâivemáánu 5. peeivi 1938 Kamiriithu, Kenia sirdoeennâm já protektoraat (ahe 88)
Jáámmám	vyesimáánu 28. peeivi 2025 Buford, Georgia

Pargo
Áámmát	kirječällee já akateemikkár


Kielâ	kikujukielâ, eŋgâlâskielâ

Ngũgĩ wa Thiong'o (š. James Ngugĩ, uđđâivemáánu 5. peeivi 1938 Kamiriithu, Kenia sirdoeennâm já protektoraat – vyesimáánu 5. peeivi 2025 Buford, Georgia, Ovtâstum staatah) lâi kenialâš kirječällee já akateemikkár, kii čaalij válduášálávt kikujukielân. Karrieeris aalgâst sun čaalij eŋgâlâskielân já tooimâi eŋgâlâskielâ máttáátteijen. Sun čaalij romanijd, čaitâlmijd, novellijd, esseid já párnáikirjálâšvuođâ. Sun lâi meid Kalifornia ollâopâttuv kirjálâšvuođâtiettuu professor já čiččâm almugijkoskâsii ollâopâttuv kunneetuáhtár.

Eellim

Ngũgĩ šoodâi kikujuperrui Kamiriithust Limuru alda. Sun čođâlditij eŋgâlâskielâ totkos Makerere ollâopâttuvvâst Kampalast ive 1963. Sun čaalij vuossâmuu čaaitâlm The Black Hermit ive 1962 Kampalast. Ngũgĩ vuossâmuš roomaan Weep Not, Child almostui ive 1964. Tot lâi vuossâmuš eŋgâlâskielâlâš roomaan, mon lâi čáállám nuorttâ-afriklâš kirječällee. Siämmáá ive Ngũgĩ luvâškuođij kirjálâšvuođâ Leeds ollâopâttuvvâst Eŋlandist. Suu nubbe roomaan The River Between almostui čuávuváá ive. Kuálmád roomaan A Grain of Wheat (1967) almostum maŋa Ngũgĩ molsoi noomâs Ngũgĩ wa Thiong'on já čäliškuođij eŋgâlâskielâ saajeest eenikielâs kikujukielân. Ive 1967 rääjist sun meid tooimâi eŋlandlii kirjálâšvuođâ professorin Nairobi ollâopâttuvvâst. Suu mielâst post-kolonialistsii Afrikist ličij kuittâg tehálâš, ete afriklii ollâopâttuvvâst puávtáččij máttááttâllâđ eromâšávt afriklii kirjálâšvuođâ.

Ive 1977 Ngũgĩ almostitij čaaitâlm Ngaahika Ndeenda, mon pooliitlii viestâ tiet sun kaartâi faŋgâlân. Faŋgâlist Ngũgĩ čaalij vuossâmuu tááláá kikujukielâlii roomaan, Caitaani mũtharaba-Inĩ (1980), faŋgâl hiivsigpápárân. Sun luovânij faŋgâlist juovlâmáánust 1978 Amnesty International kampanja áánsust. Sun ij kuittâg puáhtám innig juátkiđ máttááttempargo Nairobi ollâopâttuvvâst. Ngũgĩ vuolgij Lontoon kesimáánust 1982 ige puáhtám maccâđ päikkienâmân suu pooliitlij uáivilij tiet. Sun aasâi ohtsis 22 ihheed vistig Ovtâstum kunâgâskoddeest já talle Ovtâstum staatâin, kost sun poorgâi maaŋgâin ollâopâttuvâin.

Ive 1981 almostui Ngũgĩ faŋgâlpeivikirje noomáin Detained. Ive 1986 Decolonizing the Mind: The Politics of Language in African Literature -esseest Ngũgĩ keesij afriklijd kirječälleid čäälliđ jieijâs eenikielân. Ohtâ suu tobdosumos kiirjijn Matigari (1987) lii saatiir, mii vuáđuduvá kikujui aalmugmainâsân. Tot kieldui Keniast tállán almostum maŋa. Ive 2006 almostui roomaan Mũrogi was Kagogo. Tot lii almostum meid suomâkielân noomáin Variksen Velho (2007), mut ij anarâškielân.

Čalluuh

Romaneh

1964 – Weep Not, Child
1965 – The River Between
1967 – A Grain of Wheat
1977 – Petals of Blood
1980 – Caitaani mũtharaba-Inĩ
1986 – Matigari ma Njiruungi
2004 – Mũrogi wa Kagogo
2020 – The Perfect Nine: The Epic of Gĩkũyũ and Mũmbi

Nooveelčuágálduvah

1974 – A Meeting in the Dark
1976 – Secret Lives, and Other Stories
2019 – Minutes of Glory and Other Stories

Čaitâlmeh

1963 – The Black Hermit
1970 – This Time Tomorrow
1976 – The Trial of Dedan Kimathi
1977 – Ngaahika Ndeenda: Ithaako ria ngerekano
1986 – Mother, Sing for Me

Esseeh

1972 – Homecoming: Essays on African and Caribbean Literature, Culture, and Politics
1981 – Writers in Politics: Essays
1986 – Decolonising the Mind: The Politics of Language in African Literature
1993 – Moving the Centre: The Struggle for Cultural Freedom
1996 – Penpoints, Gunpoints and Dreams: The Performance of Literature and Power in Post-Colonial Africa
2016 – Secure the Base: Making Africa Visible in the Globe
2023 – The Language of Languages
2025 – Decolonizing Language and Other Revolutionary Ideas

Muštâlusah

1981 – Detained: A Writer's Prison Diary
2010 – Dreams in a Time of War: a Childhood Memoir
2012 – In the House of the Interpreter: A Memoir
2016 – Birth of a Dream Weaver: A Memoir of a Writer's Awakening
2018 – Wrestling with the Devil: A Prison Memoir

Párnáikirjeh

1986 – Njamba Nene na Mbaathi i Mathagu
1988 – Njamba Nene na Chibu King'ang'i
1990 – Bathitoora ya Njamba Nene
2019 – The Upright Revolution, Or Why Humans Walk Upright

Eres čalluuh

1981 – Education for a National Culture
1983 – Barrel of a Pen: Resistance to Repression in Neo-Colonial Kenya
1986 – Writing against Neo-Colonialism
2009 – Something Torn and New: An African Renaissance
2012 – Globalectics: Theory and the Politics of Knowing

Fáádást eres soojijn

Wikimedia Commonsist láá koveh teikkâ eres tiätuvuárháh fáádást Ngũgĩ wa Thiong'o.

Käldeeh