Nannaam-Åland
Nannaam-Åland (ruotâkielân Fasta Åland, suomâkielân Manner-Ahvenanmaa teikkâ Ahvenanmanner) lii Åland já Suomâ merâkuávlui stuárráámus suálui. Tot lii Åland eennâmkode váldusuálui, tastko ton vijđodâh (685 km²) lii 70 % Åland ubâ vijđoduvvâst já tobbeen ääsih suulân 90 % eennâmkode ässein.
Eennâmtiätu
[mute | mute käldee]Nannaam-Ålandân kuleh kulmâ teikkâ nelji stuorrâ suolluu ton mield, maggaar miäruštâllâm kiävttoo tuávádâhân "suálui". Suollui kooskâst láá kezis čuálmih, moi rasta láá šaldeh.
Nannaam-Ålandist lii Åland eennâmkodde haaldâtlâš kuávdáš já áinoo kaavpug Maarianhamina. Tobbeen láá meiddei čuávuvááh kieldah: Finström, Geta, Hammarland, Jomala, Saltvik já Sund. Šooldij peht Nannaam-Ålandân kuleh meid Eckerö, Lemland já Lumparland kieldah.
Nannaam-Åland alemus saje lii Orrdalsklint (129,1 m),[1] mii lii meiddei Åland eennâmkode alemus saje.[2] Tot lii suolluu taveuásist Saltivik kieldâst.
Nannaam-Åland nuorttâuásist lii Lumparn-nommâsâš luohtâ. Tutkâmušâi mield tot lii jiešalnees kraatter, mii šoodâi suullân miljard ihheed tassaaš. Tot šoodâi tast, ko stuorrâ meteoriit juhkái enâmân já ton toohâm rogge tevdui čääsist.[3]
Käldeeh
[mute | mute käldee]- ↑ Karttapaikka Maanmittauslaitos. Čujottum 21.7.2024. (suomâkielân)
- ↑ Esihistoria web.archive.org. 23.4.2014. Åland Official Travel Guide. Čujottum 21.7.2024. (suomâkielân)
- ↑ Svensson, N.-B.: Lumparn Bay: A Meteorite Impact Crater in the Aland Archipelago, Southwest Finland. Meteoritics, 1993, nr 28 (3), s. 445. Bibcode:1993Metic..28S.445S.