Meteor
.jpg)
Meteor lii smavvâ keđgipittá, mii puálá áimukeerdist. Meteoreh kaččeh korrâ liävttoin áimukiärdán, já tast šadda kahheem, mon keežild komovuotân kaččee lyeni acâkkistškuátá. Talle uáinoo olmooščaalman täsniluččim. Lyridij tááhust koččâmuš lii meteorčaggeest, mii suullân siämmáá ääigi lii uáinusist siämmáá kuávlust.[1]
Lyridij juávkku lii finnim noomâs lyyra täsnikovosist, já tot lii puárásumos tubdum meteorjuávkku. Meteoreh áiccojii suullân 2 600 ihheed tassaaš vuosmuu keerdi. Lyridij meteoreh láá kirkkâdeh, motomin nuuvt kirkkâdeh, et toh hämmejeh tullâpáálu. Meteor lii talle tullâpállu, jis tot lii kirkkâdub ko Venus-plaaneet, mii lii täsnialme kirkkâdumos plaaneet.[1]
Sämikielân meteoreh kočoduvvojeh "luččejeijee täsnin".
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Meteor.
Käldeeh[mute | mute käldee]
- ↑ 1,0 1,1 Olthuis, Marja-Liisa: Lávvárduv já pasepeeivi koskâsâš ijjâ lii täsniluččiimij ijjâ anarasaavis.fi. 22.4.2023. Čujottum 12.8.2023.