Merâčuudâ
Merâčuudâ (suomâkielân Merenkurkku já ruotâkielân Norra Kvarken teikâ tuše Kvarken) lii Taveluovtâ kezimus saje. Tot lii Äpimeerâ já Merâpoođâ kooskâst, Vaasa já Uumaja puotâ. Merâčudduu kobdodâh lii suulân 70–80 km.
Eennâmpajanem
[mute | mute käldee]Merâčudduu kuávlust eennâm paijaan meerâst senttimeetter ivveest, mii lii eenâb ko mongin eres saajeest Nuorttâmeerâ kuávlust.[1] Ovdâmerkkân Helsigist eennâm paijaan tuše 3–4 millimeetter ivveest.[2] Lii rekinistum, et suulân 2 000 ive keččin lii máhđulâš jotteeđ Vaasast Uumajan eennâm mield já et Merâpottâ muttoo Jävripottân, mut tot ij lah aaibâs vises.[3] Merâtääsi alodâhân vaaigut meiddei šoŋŋâdâhnubástume.[3]
Unesco luánduärbičuosâttâh
[mute | mute käldee]Merâčudduu suáluikuávlu lii Suomâ áinoo UNESCO luánduärbičuosâttâh. Uđđâ suolluuh šaddeh Merâčudduu suáluikuávlun eennâm pajanem keežild. Kuávlust iä lah njeidum muorah, já tondiet meecih láá áinoošlajâsiih. Merâčudduu kuávlu šadda suulân 100 hehtaarid ivveest já čäcirääji nubástuvá čoođâg. Nubástume vaaigut sehe kuávlu elleid já raasijd.[3]
Fáádásr eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Merâčuudâ.
Käldeeh
[mute | mute käldee]- ↑ Maankohoaminen vaasa.fi. Čujottum 16.2.2024. (suomâkielân)
- ↑ Kun maa nousee, Suomen maantiedekin muuttuu hiljalleen Helsingin Sanomat. 3.2.2024. Čujottum 16.2.2024. (suomâkielân)
- ↑ 3,0 3,1 3,2 Kuusela, Jaana: Eennâm pajanem muttá Suomâ kártá anarasaavis.fi. 16.2.2024. Čujottum 16.2.2024.