Marja Bål Nango
Marja Bål Nango (š. 1988 Oslo, Taažâ[1][2]) lii tavesämmilâš filmârähtee, kietâčällee já elleekovestivrejeijee.
Eellim[mute | mute käldee]
Marja Bål Nango šoodâi ive 1988 Oslost, Taažâst. Suu uábbi Smávut Iŋgir teikkâ Ingir Ane Bål Nango lii meid filmârähtee já elleekovestivrejeijee. Sunnuu vaanhimeh lává sämmiliih pajeulmuuh.[3]
Oobbiš rávásmáin Galgost, Skibotnist, Tromsa läänist.[1][2] Škoovlâ maŋa Nango luvâškuođij elleekove- já TV-tiettuu Lillehammer ollâškoovlâst (HiL). Ive 2010 sun algâttij Nordland taaiđâ- já elleekoveáámmátškoovlâst, mast sun valmâštui ive 2012.[4] Tast maŋa sun luuvâi elleekuuvij rähtim Säämi ollâškoovlâst iivij 2012–2013.
Karrieer[mute | mute käldee]
Jo ovdil valmâštum Nango stivrij suu vuossâmuu uánihiselleekove Abstrávttahasat, mii čaittui ive 2011 Taažâ elleekoveinstituut Cinemateketist Oslost.[1] Čuávuváá ive elleekove čaittui Grimstad uánihiselleekovefestivaalist já maŋeláá meid Tromsa aalmugijkoskâsâš elleekovefestivaalist (TIFF).[1]
Siämmáá ive valmâštui Nango uánihisdokumentelleekove Halvt ditt og halvt datt, mast kieđâvuššoo, maggaar lii leđe maaŋgâkulttuurlâš. Elleekooveest sun sahhiittâlâi čiččâm maaŋgâkulttuurlâš nuorrâd. Taat-uv elleekove čaittui TIFFist.[1][2]
Ive 2012 Nango valmâštui Nordland taaiđâ- já elleekoveáámmátškoovlâst. Suu loppâpargo lâi uánihiselleekove Før hun kom, etter han dro.[1] Ton lasseen Nango tooimâi el. elleekove kietâčällen já elleekovestivrejeijen.[5] Taan elleekooveest sun finnij palhâšume ive 2013 imagineNATIVE-elleekovefestivaalist Torontost.[1][6]
Siämmáá ive lâi uánihiselleekove Juletrollet vuosâeehid. Nango čaalij elleekove kietâčalluu já stivrij tom. Ton lasseen sun uásálistij ennuv monnjâpaargon. Elleekove čuávu uccâ Inger Marja, kii haalijd tievâslâš juovlâkuosâ. Suu eenist iä lamaš tuárvi ruuđah juovlâkuosâ uástimân já Inger Marja tuáivu, ete juovlâstáálu išedičij sunnuu.[7] Ton ive Marja Bål Nango finnij kuulmâihásâš pargostipend Säämi taaidârrääđist.[1]
Palhâšumeh[mute | mute käldee]
Ive 2011 Nango väljejui Riddu Riđu ive nuorâ taidârin.[8] Ive 2020 sun finnij Rhode Island aalmugijkoskâsâš festivaal palhâšume elleekovestis Njuokčamat.[9] Siämmáá ive já siämmáá elleekooveest oobbiš Marja já Ingir finnijn meid Best Live Action Short -palhâšume imagineNATIVE-elleekovefestivaalist já Palm Springs aalmugijkoskâsâš festivaal palhâšume.[10][11]
Filmografia[mute | mute käldee]
- 2015: Hilbes Biigá (teikkâ O.M.G. – Oh máigon girl)[1]
- 2014: Halvt ditt og halvt datt[1]
- 2012: Før hun kom, etter han dro[12]
- 2012: Juletrollet[13]
- 2011: Abstrávttahasat[1]
Käldeeh[mute | mute käldee]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Marja Bål Nango Nordic Women in Film. Čujottum 29.4.2022. (tárukielân)
- ↑ 2,0 2,1 2,2 Schanche, Tor Emil; Somby, Liv Inger; Vuolab, Siv Eli; Myklebust, Mona; Solbakken, Anne Randi: «Halvt ditt og halvt datt» NRK Sápmi. 18.1.2012. Čujottum 30.4.2022. (tárukielân)
- ↑ Ojai Film Festival: Ojai Film Festival ojaifilmfestival.com. 18.1.2021. Čujottum 29.4.2022. (eŋgâlâskielân)
- ↑ Talent Norge | Møt deltakerne talentnorge.no. Čujottum 27.4.2019.
- ↑ Før hun kom, etter han dro International Movie Database. Čujottum 28.4.2019.
- ↑ Ung samekvinne vant filmpris nrk.no. Čujottum 28.4.2019.
- ↑ Juletrollet International Movie Database. Čujottum 28.4.2019.
- ↑ Larsen, Dan Robert: Riddu Riđđu ohcá nuorra dáiddára NRK Sápmi. 25.1.2012. Čujottum 29.4.2022. (tárukielân)
- ↑ Guttorm, Susanna: Márjá Bål Nango lea vuoitán stuorra filbmabálkkašumi Rhode Island International Film -festiválas Yle Säämi. 11.8.2020. Čujottum 30.4.2022. (tavesämikielân)
- ↑ Fikk internasjonal filmpris NRK Sápmi. 22.6.2020. Čujottum 30.4.2022. (tárukielân)
- ↑ Suoninen, Inger-Elle: Marja Helandera ja Márjá ja Ingir Bål Nango filmmat vuite bálkkašumiid ImagineNATIVE-filbmafestiválas Yle Säämi. 26.10.2020. Čujottum 30.4.2022. (tavesämikielân)
- ↑ Before She Came, After He Left (2012) - IMDb imdb.com. Čujottum 28.4.2019.
- ↑ Juletrollet International Movie Database. Čujottum 28.4.2019.
