Maggie Smith
 | Taat artikkâl teikâ ton uási lii koskân. Tun puávtáh išediđ Wikipedia viijđedmáin siijđo. Lasetiäđuh sättih leđe savâstâllâmsiijđost. |
| Maggie Smith | |
|---|---|
.jpg)
| |
| Persovntiäđuh | |
| Šoddâm | juovlâmáánu 28. peeivi 1934 |
| Ilford, Essex, Eŋland | |
| Jáámmám | čohčâmáánu 27. peeivi 2024 (89-ihásâžžân) Lontoo, Eŋland |
| Karrieer | |
| Aktiivlâžžân | 1952–2024 |
| Merhâšittee roolah | |
| Palhâšumeh | |
| |
| Lasetiäđuh | |
| IMDb-sijđo | IMDb |
Margaret Natalie ”Maggie” Smith (28. juovlâmáánu 1934 Ilford, Essex – 27. čohčâmáánu 2024 Lontoo)[1][2] lâi brittilâš čaittâleijee. Suu aneh ohtân Stuorrâ-Britannia pyeremuin čaittâleijein, já sun lâi-uv ohtâ puáhtálumosijn teatteroovdânpyehtein. Sun čaittâlij maaŋgâin merhâšittee elleekuuvijn tego Death on the Nile (1978), A Room with a View (1986), Clash of the Titans (1981), Hook (1991), Sister Act (1992) já Gosford Park (2001), mutâ šoodâi maailmvijđosávt tobdosin Minerva McGonagall roolâst Harry Potter elleekuuvijn (2001–2011), sehe meid Violet Crawley, Grantham kreivâtâr roolâst, mon sun čaittâlij vistig TV-rááiđust Downton Abbey (2010–2015), já tastoo meid siämmáánommâsii elleekooveest (2019) sehe ton jotkâuásist (2022).
Karrieeris ääigi Smith uážui kyehti Oscar (pyeremus nissoončaittâleijee The Prime of Miss Jean Brodie (1969) keežild já pyeremus nissoonuálgičaittâleijee California Suite (1978) keežild), kulmâ Golden Globe, kuttâ BAFTA, nelji Emmy já oovtâ Tony-palhâšume.
Ive 1990 kunâgâtâr Elizabeth II aledij Smith DBE:n, mon vuáđuld sun uážui árvunoomâ dame[3], já ive 2014 sust šoodâi Kunneeritarij riitaarkode riitaar.[4]
Eellim
[mute | mute käldee]Margaret Natalie Smith šoodâi juovlâmáánu 28. peeivi 1934 Ilfordist, Essexist, Eŋlandist. Suu enni, skotlandlâš Margaret Hutton, lâi čällee já suu eeči, eŋlandlâš Nathaniel Smith, lâi professor Oxford ollâopâttuvâst.
Smith vaazij Oxford High School, mon maŋa sun moonâi máttááttâllâđ čaittâlem Oxford Playhousen, já te finnij vuosmuu virgálii pargosopâmušâš ive 1956 Broadway čaitâlmân New Faces of 1956.
Väljejum filmografia
[mute | mute käldee]- Válduartikkâl: Listo Maggie Smith čaittâlemroolâin
- The Prime of Miss Jean Brodie (1969)
- Travels with My Aunt (1972)
- Death on the Nile (1978)
- California Suite (1978)
- Evil Under the Sun (1982)
- A Room with a View (1985)
- Richard III (1995)
- Tea with Mussolini (1999)
- Gosford Park (2001)
- The Best Exotic Marigold Hotel (2011)
- Harry Potter -elleekoveh (2001–2011)
- Downton Abbey (2010–2015)
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Maggie Smith.
Käldeeh
[mute | mute käldee]- ↑ Gates, Anita & Berkvist, Robert: Maggie Smith, Grande Dame of Stage and Screen, Dies at 89 The New York Times. 27.9.2024. Čujottum 29.9.2024.
- ↑ Maggie Smith www.britannica.com. 27.9.2024. Čujottum 30.9.2024. (eŋgâlâskielân)
- ↑ Why did Maggie Smith become a Dame? One of Harry Potter's most iconic actresses Times and Star. 27.9.2024. Čujottum 5.4.2025. (eŋgâlâskielân)
- ↑ Downton Abbey star Dame Maggie Smith honoured itv.com. 13.6.2014. Čujottum 5.4.2025.