Mélanie Laurent

Wikipedia:st
Njuškii navigistmân Njuškii ucâmân
Mélanie Laurent
Mélanie Laurent César 2016 (cropped).jpg
Persovntiäđuh
Šoddâm kuovâmáánu 21. peeivi 1983 (ahe 39)
Pariisi, Ranska
Karrieer
Aktiivlâžžân 1997–
Merhâšittee roolah Inglourious Basterds
Now You See Me
Enemy
Lasetiäđuh
IMDb-sijđo IMDb

Mélanie Laurent (š. 21. kuovâmáánu 1983, Pariisi, Ranska) lii ranskalâš čaittâleijee, kietâčällee já stivrejeijee. Maailmvijđosávt sun lii tobdos eromâšávt elleekuuvijn Inglourious Basterds (2009), Now You See Me (2013) já 6 Underground (2019). Ranskaast suu láá tubdâm jo kuhheeb ääigi, já sun lii vuáittám kyehti César-palhâšume já kyehti Lumière-palhâšume. Ton lasseen sun lii lamaš iävtukkâssân Cannes elleekovejuuhlijn.[1]

Eellim[mute | mute käldee]

Mélanie Laurent šoodâi ive 1983 Pariisist ballerina Annick já jienâčaittâleijee Pierre Laurentân, kii lii tobdos suu roolâst Ned Flandersin ranskakielâlijn Simpsonijn.[1]

Karrieer[mute | mute käldee]

Laurent karrieer aalgij, ko sun lâi kolliistâlmin elleekovekuvviimijn ive 1998, kost Gérard Depardieu huámmášij suu já koijâdij suu čaittâliđ Depardieu čuávuváá fiilmân.[2] Laurent lii tast maŋa čaittâlâm paijeel 40 elleekooveest, enâmustáá ranskalijn elleekuuvijn. Suu Hollywood debyytis lâi Quentin Tarantino elleekooveest Inglourious Basterds ive 2009,[3] já sun čaittâlij tast maŋa ovdâmerkkân Mike Mills elleekooveest Beginners (2010), Denis Villeneuve elleekooveest EnemyAngelina Jolie elleekooveest By the Sea (2015). Sun stivriiškuođij siämmást jieš-uv já vuosmuš suu stivrim kuhes filmâ The Adopted almostui ive 2011. Nubbe filmâ Respire (2014) uážui vuosâehidis Cannes elleekovejuuhlijn,[4] já tast šoodâi kritikkárij rämidem. Sun lii stivrim meid ovdâmerkkân dokumentelleekove Demain (2015), mast šoodâi Ranska ive 2015 stuárráámus dokument,[3] já elleekove Le bal des folles (2021), mast sun meid čaittâlij jieš.[5]

Väljejum filmografia[mute | mute käldee]

Käldee: IMDb

Fáádást eres soojijn[mute | mute käldee]

Käldeeh[mute | mute käldee]

  1. 1,0 1,1 Mélanie Laurent IMDb. Čujottum 10.4.2022.
  2. Mélanie Laurent | La Semaine de la Critique of Festival de Cannes Semaine de la Critique du Festival de Cannes. Čujottum 10.4.2022. (eŋgâlâskielân)
  3. 3,0 3,1 Mélanie LAURENT Festival de Cannes 2022. Čujottum 10.4.2022. (eŋgâlâskielân)
  4. Ariston Anderson, Ariston Anderson: Melanie Laurent on Working With Angelina Jolie and Brad Pitt: “It Was Two Dreamlike Months” The Hollywood Reporter. 15.12.2014. Čujottum 10.4.2022. (eŋgâlâskielân)
  5. Mélanie Laurent on The Mad Women’s Ball: ‘It was like the doctors were playing with dolls’ the Guardian. 16.9.2021. Čujottum 10.4.2022. (eŋgâlâskielân)