Kuumpimyerji
Kuumpimyerji (Paris quadrifolia) lii mirhâlâš liljášaddo. Tot lii mirhâlâš myerjišaddoin vissâ-uv puoh uáppásumos Säämist. Kuumpimyerji šadda rođoin já siähálâš vuovdijn.[1]
Tobdomeerhah[mute | mute käldee]
Kuumpimyerji alodâh lii 10–35 senttid. Veerdi kierrust suáráneh nelji stuorrâ loostâ puotluvâi já lostâi tievâ láá suonah, tegu viermikovveen. Liäđus lii fiskisruánáá já keessiv toos šadda ohtâ čapis teikkâ čuovjisčapis myerji.[1]
Mirhâlâšvuotâ[mute | mute käldee]
Kuumpimyerjist láá härvinâšah já viehâ korrâ mirhâlâš amnâseh, moh vyevsitteh. Muorjij purâmist šadda luččâsân já finnee kraampi teikkâ kiäsáttuv. Oles šaddo lii mirhâlâš, ruottâsijn láá ovdâmerkkân alkaloideh.[1]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Kuumpimyerji.
Käldeeh[mute | mute käldee]
- ↑ 1,0 1,1 1,2 Aikio, Jouni: Säämi myerjih. Anarâš-kalender 2004, 2004. Anarâškielâ servi ry.