Klamydia
Klamydia lii Chlamydia trachomatis -nommâsii bakteerist šoddâm seksitavdâ, mii toovvât páihálii infektio já mon puáhtá tipšođ antibioottalkkâsijguin.[1]
Klamydia lii Suomâ táválumos seksitavdâ. Jyehi ive Suomâst kávnojeh suullân 14 000 klamydiatábáhtussâd. Tot lii táválâš eromâšávt nuorâi kooskâst.[1]
Čáittuseh
[mute | mute käldee]Čáittuseh váldojeh seksitaavij miäldásávt jo-uv cissâčáittusáin tâi väldimáin čáittus pottârääigist, njiälust tâi iämáduvâst.[1]
Majetärhistem tábáhtuvá suullân mánuppaje maŋa tipšoost, mon ääigi visásmittoo, et tipšo lii pastam bakteerân. Seksikyeimi kolgâččij meid tipšuđ siämmáá ääigi.[1]
Seksuaalvuođâ sänikirje
[mute | mute käldee]Seksuaalvuođâ sänikirje mield klamydia lii seksitavdâ, mii šadda bakterist. Tot puáhtá njuámmuđ suoijiimettumes tohâmist já njälmiseeksist. Klamydianjuámmum selvâttem várás váldoo táválávt kužžâčááitus. Klamydia hoittájuvvoo antibiootijguin.[2]
Klamydia koalain
[mute | mute käldee]Klamydia lii koalain táválâš já varâlâš tavdâ, mii puáhtá tovâttiđ kužžâvaaivijd, čalmettesvuođâ, heeđâlmttesvuođâ já loopâst val koala jäämmim. Tavdâ lii stuorrâ uhke šlaajâ cevzimân, já tot toovât joba pele koalajämimijn. Ive 2025 Australiast tuhhiittui maailm vuosmuš puáhuttâs, mii syeijee koalaid klamydianjuámumist. Sunset Coast ‑ollâopâttuv totkeeh porgii puáhuttâs valmâštem oovdân paijeel love ihheed. Puáhuttâs ij vaađâ pehtilittem, mii taha ton kevttim älkkeebin luánduviđá elleid.[3]
Fáádást eres soojijn
[mute | mute käldee] |
Wikimedia Commonsist láá koveh teikkâ eres tiätuvuárháh fáádást Klamydia. |
- Terveyskirjasto.fi – Klamydia (suomâkielân)
- THL – Klamydia (suomâkielân)
Käldeeh
[mute | mute käldee]- ↑ a â b c Seksualvuotâ já ulmui koskâvuođah. Nuorâirääđi. Čujottum 28.10.2021
- ↑ Seksuaalvuođâ sänikirje anarâškielân. Nuorâirääđi. Čujottum 28.10.2021
- ↑ Olthuis, Marja-Liisa: Maailm vuosmuš klamydiapuáhuttâs koalaid lii tuhhiittum Australiast anarasaavis.fi. 15.9.2025. Čujottum 17.9.2025.