Säämi Kielâkäldee
Säämi Kielâkäldee, meid tuše Kielâkäldee, lii Suomâ, Ruotâ já Taažâ Sämitiigij vuáđudem já ruttâdem áámmát- já reesuurskuávdáš kielâohtsâšpargo-orgaan, mon kielâäššitobdeeh pargeh sämikielâi oovdân. Anarâškielâ kielâäššitobden parga Jukka Mettovaara.
Säämi Kielâkäldee vuáđudui pisovâš jiečânâs toimâorgaanin Taažâ Sämitige ohtâvuotân ive 2022.[1] Säämi Kielâkäldee algâttij fastâ tooimâs čohčâmáánu 4. peeivi 2023.
Ovdâsvástádâsah
[mute | mute käldee]Säämi Kielâkäldee västid sämikieláid kyeskee tave-eennâmlii ohtsâšpargo koordinistmist, naanoodmist já oovdedmist. Kielâkäldee ulmen lii sämikielâi kirje- já sárnumkielâ kulttuuräärbi siäiluttem, tipšom já ovdedem sehe sämikielâi siäiluttem, nanodem já ovdedem tienuuvt, ete siämmást váldojeh huámmášumán jieškođe-uv sämikielâ táárbuh, háástuh já resurseh.[2][1]
Sajadâh
[mute | mute käldee]Säämi Kielâkäldee tuáimá Taažâ Sämitiggetáálust, mii lii fijnâ stuorrâ vistekompleks kaskoo Kárášjuuvâ.
Kielâlävdikodeh
[mute | mute käldee]Kielâkäldest láá 6 kielâlävdikode: maadâsämikielâ, pittáámsämikielâ, juulevsämikielâ, orjâlâškielâ, anarâškielâ já nuorttâlâškielâ lävdikodeh. Jieškođe-uv kielâlävdikoddeest lii ovdâsvástádâs normâdiđ čäällimkielâ, terminologia já čäällimnjuolgâdusâid jieijâs kielân.
Anarâškielâ lävdikodde 2023–2027[3]
[mute | mute käldee]| jeessân | rooli |
|---|---|
| Petter Morottaja | saavâjođetteijee |
| Miina Seurujärvi | värisaavâjođetteijee |
| Saammâl Morottaja | jeessân |
| Anna Morottaja | värijeessân |
| Hannu Kangasniemi | värijeessân |
| Neeta Jääskö | värijeessân |
Stivrâ
[mute | mute käldee]Stivrâ lii Säämi Kielâkäldee alemus orgaan.
Stivrâ 2024–2028[3]
[mute | mute käldee]| stivrâjeessân | rooli | sämitigge |
|---|---|---|
| Ann-Mari Thomassen | saavâjođetteijee | Taažâ |
| Nilla Tapiola | vuosmuš värisaavâjođetteijee | Suomâ |
| Per-Eric Kuoljok | nubbe värisaavâjođetteijee | Ruotâ |
| Lemet Máhtte Eira Sara | stivrâjeessân | Taažâ |
| Terhi Harju | stivrâjeessân | Suomâ |
| Maidi Steinfjell | stivrâjeessân | Ruotâ |
| Simon Forsmark | värijeessân | Ruotâ |
| Inger Helene Fankki | värijeessân | Ruotâ |
| Jonne Sikku | värijeessân | Taažâ |
| Vanja Tørresdal | värijeessân | Taažâ |
| Neeta Jääskö | värijeessân | Suomâ |
| Ulla-Maarit Magga | värijeessân | Suomâ |
Fáádást eres soojijn
[mute | mute käldee]- Mii lii Säämi Kielâkäldee já maid mij porgâp?
- Säämi Kielâkäldee Sämitige siijđoin
- Sámi Giellagáldu – kielenhuoltoa ja terminologista työtä viidellä saamen kielellä (suomâkielân)
Käldeeh
[mute | mute käldee]- ↑ a â Olthuis, Marja-Liisa: Kielâkäldee aalgât fastâ tooimâs čohčâmáánust – Anarâškielâ pargee lii nomâttum anarasaavis.fi. 30.6.2023. Čujottum 30.6.2023.
- ↑ Mii lii Säämi Kielâkäldee já maid mij porgâp? Säämi Kielâkäldee. Čujottum 4.2.2023.
- ↑ a â Eenâb mist Giella.org. Čujottum 7.6.2025.