Kevttee:Ujanairi/warksteade
Tääbbin mun suunâttâlâm artikkâlijd.
| Vuoptâlaahul Vanellus vanellus (Linnaeus, 1758) |
|
|---|---|
 |
|
| Tile | NT (čalmeestoonnum)[1] |
| Tile Suomâst | LC (eellimvuáimálâš)[2] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Riddolodeh Charadriiformes |
| Vyelilahko | Kalâččeijeeh Charadrii |
| Hiäimu | Charadriidae |
| Suuhâ | Vanellus |
| Šlaajâ | vanellus |
Vuoptâlaahul (Vanellus vanellus) lii kalâččeijee, mii kulá Charadriidae-čeerdân já iälá Euraasia liähmustielâsist. Kesilodeh tálváduveh eres lasseen Tave-Indiast, Pakistanist, uásist Kiinast já meiddei Euraasia ulguubeln Tave-Afrikâst. Uárji-Euroop populaatio, ovdamerkkân Vyelienâmij já Belgia lodeh, ij kuittâg táválávt varrii máádás.[3]
Stuárudâh já tobdomeerhah
[mute | mute käldee]Vuoptâlaahul lii 28–31 cm kukkosâš lodde, mii tiäddá 140–280 g. Suájái koskâ lii 82–87 cm. Ton selgipeeli lii tevkkâd já tast lii ruánáá já violet meetaalšiälgum, ton sajan čuávjipeeli lii vielgâd.[4] Uáivi vuoptâtieppi adelij toos ton noomâ miärusuási meiddei pajekielân (vuoktaláfol), suomâkielân (töyhtöhyyppä), ruoŧâkielân (tofsvipa) já eŋgâlâskielân (lapwing).[5]
Lavdâm já eellimpiirâs
[mute | mute käldee]Lasanem
[mute | mute käldee]Vuoptâlaahul pessee mielâst niijtoin, piälduin já lahtâ kuávluin, tego jeegijn. Vyesimáánust já kesimáánust niŋálâš mannee 3–4 mane, maid niŋálâs já ores läälih 26–29 jándurid. Rävislodeh aneh huolâ uđágâin 35–40 jándurid tassaaš, ko toh mättih kirdeđ.[6]
Raavâd
[mute | mute käldee]Vuoptâlaahul uáiviášálâš raavâd láá muldemááđuh já jieškote-uvlágán tiivreh, tego piäivááloddááh teikkâ koppakuorijááh, já meiddei sii kiivsah.[7]
Käldeeh
[mute | mute käldee]- ↑ IUCN Red List Čujottum 24.4.2022 (eŋgâlâskielân)
- ↑ Jari Valkama: Vuoptâlaahul – Vanellus Vanellus Suomen Lajitietokeskus. 2019. Čujottum 26.4.2022. (suomâkielân)
- ↑ Luc Hoogenstein já Ger Meesters: Handboek Vogels van Nederland en België. KNNV Uitgeverij, Zeist 2009, ISBN 978-90-5011-580-3, s. 113.
- ↑ Pertti Koskimies: Suomen linnut – Suuri lintukirja. Readme.fi, Helsinki 2019, ISBN 978-952-321-186-5, s. 164.
- ↑ Jukka Hintikka: Suomen lintujen nimet – merkitys ja alkuperä. Neirol-kustannus, Helsinki 2008, ISBN 978-952-5688-09-2, s. 85.
- ↑ Pertti Koskimies: Suomen linnut – Suuri lintukirja. Readme.fi, Helsinki 2019, ISBN 978-952-321-186-5, s. 164.
- ↑ Pertti Koskimies: Suomen linnut – Suuri lintukirja. Readme.fi, Helsinki 2019, ISBN 978-952-321-186-5, s. 164.