Jussi Ylikoski
| Jussi Ylikoski | |
|---|---|
| Šoddâm | 1974 |
| Pargo | |
| Instituut | Tuurku ollâopâttâh Säämi ollâškovlâ |
| Tutkâmfáddá | uuraallâš kielah
|
Jussi Ylikoski (š. 1974) lii syemmilâš kielâtotkee. Sun parga Tuurku ollâopâttuv suomâ-ugrâlij kielâi professorin já Säämi ollâškoovlâ sämikielâ dosentin. Sun lii ovdil porgâm om. Oulu ollâopâttuv Giellagas-instituut sämikielâ professorin (2017–2022) já Tromsa ollâopâttuv algâaalmugkielâi professorin (2012–2013). Sun tuáimá Finnisch-Ugrische Forschungen -äigičalluu uáivitoimâtteijen.[1]
Sun lii tutkâm ei. sämikielâi já eres uuraallij kielâi hämi- já ceelhâoopâ já kielâhistorjá.[2][3] Sun nágáttâlâi tuáhtárin ive 2009. Suu náguskirje Non-finites in North Saami fáddán lii čallum orjâlâškielâ ij-finitlij verbâhaamij hammim já kevttim[4]. Sun nabda náguskirjestis, et Tave-enâmij váldukielah adai táru-, ruotâ- já suomâkielâ vaigutteh čuuvtij jieškote-uv eennâm tavesämikielâ kirjálii kevttimân.[5]
Käldeeh
[mute | mute käldee]- ↑ CV | users.utu.fi. Čujottum 17.10.2022. (eŋgâlâskielân)
- ↑ Publications | users.utu.fi. Čujottum 17.10.2022. (eŋgâlâskielân)
- ↑ Kielipankissa: Jussi Ylikoski | Humanistinen tiedekunta | Helsingin yliopisto www.helsinki.fi. Čujottum 17.10.2022. (suomâkielân)
- ↑ Non-finites in North Saami (SUST 257) · Suomalais-Ugrilainen Seura www.sgr.fi. Čujottum 17.10.2022.
- ↑ Valtakielet uhkaavat yhtenäistä saamea Yle Uutiset. 16.3.2009. Čujottum 17.10.2022. (suomâkielân)