Johan Fredrik Ahlstedt
| Johan Fredrik Ahlstedt | ||
|---|---|---|
| Persovntiäđuh | ||
| Šoddâm | roovvâdmáánu 25. peeivi 1776 Loimaa, Suomâ | |
| Jáámmám | juovlâmáánu 21. peeivi 1823 (47-ihásâžžân) Turku, Suomâ | |
| Aalmugjeessânvuotâ | syemmilâš | |
| Škovliittâs já karrieer | ||
| Instituut | Tuurku akatemia | |
| Tutkâmušsyergi | matematiik | |
Johan Fredrik Ahlstedt (25. roovvâdmáánu 1776 Loimaa, Suomâ – 21. juovlâmáánu 1823 Turku, Suomâ) lâi syemmilâš matematikkár já Tuurku akatemia matematiik professor.[1][2]
Eellim
[mute | mute käldee]Johan Fredrik Ahlstedt šoodâi roovvâdmáánu 25. peeivi 1776 Loimaast, Suomâst. Suu eeči lâi kappalâš Johan Ahlstedt, já suu enni lâi Kristina Margareta Tenlenius. Ahlstedt kálgu lâi Katarina Ulrika Cairenius (1784–1846). Sunnust lijjii kuttâ päärni.[1]
Pargo
[mute | mute käldee]Johan Fredrik Ahlstedt čaalij pajeuáppen Tuurkust ive 1793. Sun valmâštui filosofia miäštárin Tuurku akatemiast ive 1798. Sust šoodâi Tuurku akatemia putes matematiik dooseent ive 1802 já matematiik professor ive 1812. Professorin sun tooimâi ive 1823 räi.[1]
Käldeeh
[mute | mute käldee]- ↑ 1,0 1,1 1,2 Ellonen, Leena (toim.): Suomen professorit Finlands professorer 1640–2007, s. 857. Helsig: Professorlitto, 2008. ISBN 978-952-99281-1-8.
- ↑ Ylioppilasmatrikkeli 1640–1852 (Persovntiäđuh: 15.6.1793 Johan Fredrik Ahlstedt. ID: 10807) 2005. Helsig ollâopâttâh. Čujottum 23.1.2022. (suomâkielân)
