Ive 2024 Ovtâstum staatâi presidentvaaljah

Ive 2024 Ovtâstum staatâi presidentvaaljah láá presidentvaaljah, moh uárnejuvvojii Ovtâstum staatâin skammâmáánu 5. peeivi 2024. Ive 2024 lâi 60. kerdi, ko vaaljah uárnejuvvojii. Vaaljâin väljejuin Ovtâstum staatâi 47. president já 50. väripresident, kiäh te algâttává virgeest uđđâivemáánu 20. peeivi 2025 já lává virgeest uđđâivemáánu 20. peeivi 2029 räi. Siämmáá ääigi uárnejuvvojeh ei. Ovtâstum staatâi seenaatvaaljah.

Oovdiš president Donald Trump väljejui Ovtâstum staatâi 47. presidentin. Presidentvaaljâin sun vuoitij demokraatpiäláduv iävtukkâs, väripresident Kamala Harris. Trump vuáittu merhâšij tom, et sun maacâi Vielgis táálun, kost sun tooimâi presidentin iivij 2017–2021.^[1]

Iävtukkâsah

Tááláš president Joe Biden almottij algâaalgâst, ete sun lii iävtukkâssân ive 2024 presidentvaaljâin, mut syeinimáánu 21. peeivi 2024 sun almottij aalmugân miärádâsâstis kiäsádâttâđ ive 2024 presidentvaaljâin.^[2]


Iävtukkâs	Piäládâh	Almottempeivi	Kiäsádâttâmpeivi	Eres tiäđuh
Kamala Harris	Dem.	syeinimáánu 21. peeivi 2024		Kalifornia riehtiministerin iivij 2011–2017. Ovdâstij Kalifornia Ovtâstum staatâi senatist iivij 2017–2021. Ovtâstum staatâi väripresident iivij 2021–2024.
Donald Trump	Rep.	čohčâmáánu 15. peeivi 2022		Ovtâstum staatâi president iivij 2017–2021
Jill Stein	Ruánááh	skammâmáánu 9. peeivi 2023^[3]		Iävtukkâssân meiddei iivij 2012 já 2016 presidentvaaljâin^[3]
Chase Oliver	Lib.	cuáŋuimáánu 4. peeivi 2023
Nikki Haley	Rep.	kuovâmáánu 14. peeivi 2023	njuhčâmáánu 6. peeivi 2024
Vivek Ramaswamy	Rep.	kuovâmáánu 14. peeivi 2023	uđđâivemáánu 15. peeivi 2024
Marianne Williamson	Dem.	njuhčâmáánu 4. peeivi 2023	kuovâmáánu 7. peeivi 2024
Asa Hutchinson	Rep.	cuáŋuimáánu 2. peeivi 2023	uđđâivemáánu 16. peeivi 2024
Robert F. Kennedy	Ij kuulâ piäládâhân	cuáŋuimáánu 19. peeivi 2023	porgemáánu 23. peeivi 2024
Tim Scott	Rep.	vyesimáánu 22. peeivi 2023	skammâmáánu 12. peeivi 2023
Francis Suarez	Rep.	vyesimáánu 22. peeivi 2023	porgemáánu 23. peeivi 2023
Ron DeSantis	Rep.	vyesimáánu 25. peeivi 2023	uđđâivemáánu 21. peeivi 2024
Mike Pence	Rep.	kesimáánu 5. peeivi 2023	roovvâdmáánu 28. peeivi 2023
Chris Christie	Rep.	kesimáánu 6. peeivi 2023	uđđâivemáánu 10. peeivi 2024	New Jersey kuvernöör iivij 2010–2018
Larry Elder	Rep.	cuáŋuimáánu 20. peeivi 2023	roovvâdmáánu 26. peeivi 2023
Joe Biden	Dem.	cuáŋuimáánu 25. peeivi 2023	syeinimáánu 21. peeivi 2024^[2]
Dean Phillips	Dem.	roovvâdmáánu 27. peeivi 2023	njuhčâmáánu 6. peeivi 2024

Puátuseh

Vaaljah lijjii eromâš täsiveh, já tuše čiččâm uásistaatâst ij lamaš muuneeld tiäđust tot, ete kuábáš vuáitáččij, Trump vâi Harris. Tagareh uásistaatah láá Michigan, Wisconsin, Pennsylvania, Tave-Carolina, Georgia, Arizona já Nevada. Trump vuoitij puoh täin uásistaatâin, mut tuše motomáin tuháttáin jienáin.^[1]

Fáádást eres soojijn

Wikimedia Commonsist láá koveh teikkâ eres tiätuvuárháh fáádást Ive 2024 Ovtâstum staatâi presidentvaaljah.

Käldeeh

↑ ^1,0 ^1,1 Brecciaroli, Fabrizio: Donald Trump lii väljejum Ovtâstum staatâi 47. presidentin anarasaavis.fi. 6.11.2024. Čujottum 6.11.2024.
↑ ^2,0 ^2,1 Saari, Mitja: Ovtâstum staatâi tááláš president Joe Biden kiäsádât presidentkištoost anarasaavis.fi. 23.7.2024. Čujottum 23.7.2024.
↑ ^3,0 ^3,1 Astor, Maggie: Jill Stein Announces Third-Party Bid for President The New York Times. 9.11.2023. Vyerkkejum . Čujottum 4.11.2024. (eŋgâlâskielân)

[aavis06112024-1] 1,0 ^1,1 Brecciaroli, Fabrizio: Donald Trump lii väljejum Ovtâstum staatâi 47. presidentin anarasaavis.fi. 6.11.2024. Čujottum 6.11.2024.

[aavis23072024-2] 2,0 ^2,1 Saari, Mitja: Ovtâstum staatâi tááláš president Joe Biden kiäsádât presidentkištoost anarasaavis.fi. 23.7.2024. Čujottum 23.7.2024.

[stein-pv-2024-3] 3,0 ^3,1 Astor, Maggie: Jill Stein Announces Third-Party Bid for President The New York Times. 9.11.2023. Vyerkkejum . Čujottum 4.11.2024. (eŋgâlâskielân)

[1]

[2]

[3]