Ijjâlodde
| Ijjâlodde Aegolius funereus (Linnaeus, 1758) |
|
|---|---|
 |
|
| Tile | LC (eellimvuáimálâš)[1] |
| Tile Suomâst | NT (čalmeestoonnum)[2] |
 |
|
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Oppuulodeh Strigiformes |
| Hiäimu | Oppuuh Strigidae |
| Suuhâ | Aegolius |
| Šlaajâ | funereus |
Ijjâlodde (Aegolius funereus) lii oppuuluudij laahkon kullee loddešlaajâ. Tot lii Suomâ almolumos oppuu.
Stuárudâh já tobdomeerhah
[mute | mute käldee]Ijjâlodde lii 22–27 cm kukkosâš, suullân rástágáá matsâš oppuu, mii tiäddá 105–150 g. Ton suájákeejij koskâ lii 50–62 cm. Uáivi lii styeres já tuolbâs, näämi lii kuovgâd já čalmeh sehe njune láá fiskâdeh. Ijjâlode ruškis selgipeeleest láá vielgis tiälhuh já kuovgis čuávjist ruškis tiälhuh. Nuorâ lodeh láá ollásávt tevkisruškâdeh. Ijjâlode kiihâmjienâ lii jotelis pulijdem.[3]
Lavdâm já eellimpiirâs
[mute | mute käldee]Ijjâlodde iälá Euroop, Aasia já Tave-Amerik kuácceevuovdijn. Suomâst tot pessee ubâ enâmist, eereeb tuodârkuávluin. Suomâst pessejeh 3 000–8 000 paarrâd, já pessimnääli mulsâšud ihásávt säplignääli mield. Ijjâlodde lii tääl čalmeestoonnum Suomâst.[4] Nääli lii uccánâm puáris kuácceevuovdij kiäppánem tiet. Ijjâlodde lii päikkilodde, mut motomin tot vaajâld čohčuv já kiđđuv.[3]
Lasanem
[mute | mute käldee]Ijjâlodde piervâld muorâvuovdân. Niŋálâs mannee njuhčâ-cuáŋuimáánust 3–9 manneed já láálá taid 26–27 peivid. Uđâgááh kirdeleh 30–36 peeivi ahasâžžân.[3]
Raavâd
[mute | mute käldee]Ijjâlodde porá uccâ njomâtteijeid já luudijd.[3]
Liiŋkah
[mute | mute käldee]Luándu jienâ: Ijjâlodde (Ellee arkkâdâh)
Käldeeh
[mute | mute käldee]- ↑ IUCN Red List Čujottum 9.10.2021 (eŋgâlâskielân)
- ↑ Valkama, Jari: Ijjâlodde – Aegolius funereus Suomen Lajitietokeskus. 2019. Čujottum 30.3.2022. (suomâkielân)
- ↑ 3,0 3,1 3,2 3,3 Luontoportti.fi Čujottum 9.10.2021 (suomâkielân)
- ↑ Suomen lintuatlas Čujottum 9.10.2021 (suomâkielân)