Harriet Nordlund
| Harriet Nordlund | |
|---|---|
| Šoddâm | čohčâmáánu 20. peeivi 1954 Nautijaur, Juhâmokke, Ruotâ |
| Jáámmám | cuáŋuimáánu 19. peeivi 2023 Ekerö, Tukholma, Ruotâ |
| Pargo | |
| Áámmát | čaittâleijee, kietâčällee, kirječällee |
| Noomah | Gerd Harriet Linnéa Nordlund |
| Peerâ | |
| Pelikyeimi | Gustav Linden |
| Párnááh | 2 |
Gerd Harriet Linnéa Nordlund (čohčâmáánu 20. peeivi 1954 Nautijaur, Juhâmokke, Ruotâ – cuáŋuimáánu 19. peeivi 2023 Ekerö, Tukholma, Ruotâ)[1][2] lâi juulevsämmilâš čaittâleijee, kietâčällee já kirječällee. Nordlund lâi meid ohtâ Dálvadis-teatter vuáđudeijein, ko teatter vuáđudui ive 1971.[1][3] Toos lasseen sun tooimâi Beaivváš Sámi Našunálateáhter teatterhovdân iivij 2003–2006.[4]
Eellim
[mute | mute käldee]Gerd Harriet Linnéa Nordlund šoodâi čohčâmáánu 20. peeivi 1954 Nautijaurist, Juhâmohheest, Ruotâ peln. Suu vaanhimeh láin puásuiulmuuh.[5] Sun lâi tuše 7-ihásâš, ko sun vuolgâttui asâttâhškoovlân tave-Ruotâst.[6][7]
Sun čäliškuođij jo nuorrân. Ovdâmerkkân sun čaalij 15-ihásâžžân pitá Samtal med dig, mii vuolgâttui televisiost Ruotâst Sverige TV1-kanavast ive 1969.[8] 17-ihásâžžân Nordlund varrij Tukholman luuhâđ teatteruápuid.[9] Tobbeen sun juuđij Staatâ teatterškoovlâ (ruotâkielân Statens scenskola) iivij 1973–1976.
1980-lovo rääjist Harriet Nordlund pelikyemi lâi ruátálâš čaittâleijee Gustav Levin (š. 1952).[9] Sunnui šoddáin kyehti nieidâ: vuossâmuš ive 1982 já nubbe ive 1985.[9]
Karrieer
[mute | mute käldee]Nordlund poorgâi čaittâleijen ei. Orionteaternist, Turteaternist, Uppsala kaavpugteatterist, Gottsunda Teaternist, Norrbottensteaternist, Tukholma kaavpugteatterist, Dálvadis já Beaivváš Sámi Našunálateáhterist.[5] Maŋeláá Nordlund poorgâi Gävle aalmugteatterist. Kiđđuv 2009 sun algâttij Juhâmohe kulttuur- já astoäigihovdân.
Nordlund heiviittij paijeel 14 čaitâlmid já čaalij jieš čiččâm čaitâlmid. Iivij 1971–1985 sun tooimâi Dálvadis teatter taiđâlâš hovdân já iivij 2003–2006 sun tooimâi Beaivváš Sámi Našunálateáhter teatterhovdân.[4][10] Nordlund toomâi meid läiđejeijen porgemáánust 1990 Sveriges Radio P1 Sommar-radio-ohjelmist.[11]
Palhâšumeh já iävtukkâsvuođah
[mute | mute käldee]Ive 2009 Nordlund vuoitij Biret Elle -muštopalhâšume pargostis raajij rasta, ko tot lii ovdedâm sämikulttuur.[12] Ive 2016 sun vuoitij siämmáá suujâ tiet sehe Såhkie kunneepalhâšume já Ubmejen Biejvieh -kunneepalhâšume.[13][14][15][16]
Ive 2017 sun já Ann-Helen Laestadius láin iävtukkâssân Norrland kirjálâšvuotâpalhâšume uážžon párnái- já nuorâikirjálâšvuođâ luokkaast oovtâst Madeleine Bäckáin, John Holmvalláin já Mirja Ungein.[15][17] Palhâšume vuoitij Laestadius kirjestis Tio över ett.[18][19]
Filmografia (uási)
[mute | mute käldee]TV-rááiđuh teikkâ -elleekoveh
[mute | mute käldee]- 1975 – Långtradarchaufförens berättelser
- 1982 – Profeten i Pajala
- 1997 – Hästen och tranan
Elleekoveh
[mute | mute käldee]- 1991 – Önskas
- 1997 – Larmar och gör sig till
Bibliografia
[mute | mute käldee]- 2016 – Årddå: vid trädgränsen
- 2019 – Trumbäraren
- 2019 – Samernas skapelseberättelse
- 2021 – Kvinnan och barnet
- 2022 – Dikter från trädgränsen
Käldeeh
[mute | mute käldee]- ↑ 1,0 1,1 Partapuoli, Ann Catrin Stenberg: Teaterpionjären Harriet Nordlund är död SVT Nyheter. 20.4.2023. Čujottum 29.4.2023. (ruotâkielân)
- ↑ Gerd Nordlund (68 år) Ekerö Ratsit. Čujottum 29.4.2023. (ruotâkielân)
- ↑ Ny dokumentärfilm om Maj Doris Rimpi, hederspristagare, stridbar pionjär och konstnärssjäl www.jokkmokk.se. 7.12.2017. Čujottum 29.4.2023. (ruotâkielân)
- ↑ 4,0 4,1 Beaivváš Sámi Našunálateáhter: Ovddeš teáhterhoavda lea eret vádjolan – Beaivváš Beaivváš. 20.4.2023. Čujottum 29.4.2023. (tavesämikielân)
- ↑ 5,0 5,1 Simona Máhtte: Ruota Sámi teáhtera-eadni. Áššu, 3.5.2002, 10. ihekerdi, nr 35, s. 10. Artikkâl nettiversio Čujottum 30.4.2023. (tavesämikielân)
- ↑ Jangås, Lasse: Beaivvás-fokus på internatet Nordlys. 6.10.2003. Čujottum 29.4.2023. (tárukielân)
- ↑ Utsi, Inger Elin: Søkelys på det vonde. Altaposten, 9.10.2003, 35. ihekerdi, nr 233, s. 18. Altaposten. Artikkâl nettiversio Čujottum 29.4.2023. (tárukielân)
- ↑ Fjernsynet. (19.15 Samtal med dig En dialog skriven av Harriet Nordlund, 15 år från Nautijaur, Luleå) Fredriksstad Blad, 9.12.1969, s. 14. Artikkâl nettiversio Čujottum 29.4.2023. (tárukielân)
- ↑ 9,0 9,1 9,2 Simona Máhtte: Máilmmi unnimus teáhterhoavda?. Áššu, 25.2.2003, 11. ihekerdi, nr 15, s. 10. Artikkâl nettiversio Čujottum 29.4.2023. (tavesämikielân)
- ↑ Johnskareng, Ámmun: Ođđa dramátihkka nuoraide ja mánáide. Min Áigi, 8.5.2002, 10. ihekerdi, nr 37 nr, s. 11. Artikkâl nettiversio Čujottum 30.4.2023. (tavesämikielân)
- ↑ Höjer, Moa: "Jag minns att jag fick ganska många brev" kuriren.nu. 13.6.2017. Čujottum 29.4.2023. (ruotâkielân)
- ↑ Balto, Malene F.: Biret Elle vuoigŋa eallá viidáseappot. Ávvir, 15.4.2009, 2. ihekerdi, nr 69, s. 13. Artikkâl nettiversio Čujottum 29.4.2023. (tavesämikielân)
- ↑ Såhkies hederspris | Såhkie sahkie.se. Čujottum 29.4.2023. (ruotâkielân)
- ↑ Hon ger samiska kulturen en röst – får hederspris www.folkbladet.nu. 2.3.2016. Čujottum 29.4.2023. (ruotâkielân)
- ↑ 15,0 15,1 Bals, Inger Marita: Vuosttâš geardde sámi girječálliid girjjit evttohuvvon. Ávvir, 3.6.2017, nr 101, s. 3. Artikkâl nettiversio Čujottum 29.4.2023. (tavesämikielân)
- ↑ Eira, Karen: Mångsidig kulturarbetare tilldelas hederspris Sveriges Radio. 2.3.2016. Čujottum 29.4.2023. (ruotâkielân)
- ↑ "Tio över ett" nominerad till Norrlandspris Sveriges Radio. 7.2.2017. Čujottum 29.4.2023. (ruotâkielân)
- ↑ Perfekt, Sarah: Lina Josefina Lindqvist och Ann-Helén Laestadius får Norrlands litteraturpris 2017 Boktugg.se. 5.7.2017. Čujottum 29.4.2023. (ruotâkielân)
- ↑ Ann-Helén Laestadius tilldelas Norrlands litteraturpris 2017 Rabén & Sjögren. 2017.07.03. Čujottum 3.12.2023. (ruotâkielân)
