Erika Aland-Vernik

Wikipedia:st

Erika Margareta Aland-Vernik (cuáŋuimáánu 3. peeivi 1913 Kooraste táálunkieldâ, Võrumaa, Eestieennâmvyesimáánu 25. peeivi 2001 São Paulo, Brasilia)[1] lâi eestilâš čaaitâlmčällee, tihtâčällee, proosačällee já tekstiiltaaidâr.

Eellim[mute | mute käldee]

Erika Margareta Aland šoodâi cuáŋuimáánu 3. peeivi 1913 Kooraste táálunkieldâst, Kanepi servikoddeest, Eestienâmist Kusto Tamme táálust.[1] Suu eeči lâi milloo já kieldâkonstaabel Johan Alant[2] (meid Aland) já suu enni lâi Johan nube kálgu Miina (teikkâ meid Minna) Alant (j.s. Hindrikson).[3][4]

Vuossâmuu näimilittoost šoddii Erika peliuábbi Alvine (maŋeláá Mõts) sehe peliviiljah Nikolai já Hans. Nube näimilittoost šoddii Elisabeth, Jaan, Julius, Erika já Rudolf. Sehe Nikolai já Jaan jaamijn jo vávván.[2][3]

Erika rávásmij Koorastest, kost sun meid juuđij škoovlâ.[5] Ton lasseen sun juuđij Kanepi škoovlâ.[4] Luvâttuv tiet sun varrij Otepään, kost sun juuđij Otepää Kymnaas. Ive 1932 sun valmâštui luvâttuvvâst árvusaanijn cum laude.[4][5]

Siämmáá ive sun eeči jaamij, já tondiet Erika ij puáhtám algâttiđ ollâopâttuvvâst. Porgemáánu 13. peeivi 1938 sun naajâi brasiliaeestilâš Jüri Vernikáin Kanepi kirhoost. Vihkâm maŋa suoi mađhâšáin Eestienâmist Brasilian eelliđ Jüri huolhij kuvlân já passijn toho aassâđ. Sunnui šoodáin kyehti päärni: Jorge já Asta-Margarita.

Karrieer[mute | mute käldee]

Vernik uásálistij aktiivlávt brasiliaeestilij sosiaallâš elimân Brasiliast. Ton vuáđuld sun čaalij ive 1990 almostum eestikielâg roomaan Kohvipõllu leib, mii muštâl eestilij enâmânvärrejeijei algâääigist uđđâ staatâst ađai Brasiliast.

Sun čaalij tiivtâid já čaitâlmijd-uv. Tiivtah almostuvvii el. tagarijn loostâin já aavisijn ko Meie Tee, Triinu, Eesti Kirik já Teataja. Ton lasseen suu tiivtâid almostittii sehe eesti-portugalkielâg äigičalluin.[5]

Vernik kyehti majemuu čaaitâlm jurgâluvvojii eestikielâst portugalkielân. Taah čaittâluvvojii Brasiliast.[5]

Tyejeh[mute | mute käldee]

Kirjeh[mute | mute käldee]

  • 1990 – Kohvipõllu leib

Čaitâlmeh[mute | mute käldee]

  • 1935 – Eesti nimi[6]
  • [tubdâmettum ihe] – Vanad eesti kosjad[5]
  • 1949 – Suveõhtud Toonastes[5]
  • 1952 – Imede öö[5]
  • 1953 – Metsavana surm[5]
  • 1954 – Ja Lumememm nägi unes...[5]

Käldeeh[mute | mute käldee]

  1. 1,0 1,1 Erika Margareta Vernik Geni.com. Čujottum 24.8.2022. (eŋgâlâskielân)
  2. 2,0 2,1 Johan Alant Geni.com. Čujottum 24.8.2022. (eŋgâlâskielân)
  3. 3,0 3,1 Miina Minna Alant Geni.com. Čujottum 24.8.2022. (eŋgâlâskielân)
  4. 4,0 4,1 4,2 Hirvlaane, Milvi: EMADEPÄEVAKS. Saatustele mõeldes Lõunaleht. 2016-5-5. DIGAR Eesti. Čujottum 24.8.2022. (eestikielân)
  5. 5,0 5,1 5,2 5,3 5,4 5,5 5,6 5,7 5,8 Aland-Vernik, Erika isik.tlulib.ee. Čujottum 25.8.2022. (eestikielân)
  6. Paidre, Urmas: Kagueestlasest kirjaniku brasiillannast järeltulija käis esivanema radadel LõunaLeht. 18.06.2015. Čujottum 25.8.2022. (eestikielân)
Jurgâlus
Jurgâlus
Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâlâš artikkâl: et:Erika Aland-Vernik