ELAN-ohjelm
ELAN-ohjelm lii annotistem várás kevttum rijjâ ohjelm. Ko lii mottoom jienâpäddi, kalga toimâd čuávuvávt:
- Kirjekielâ – Vistig kalga merkkiđ tom, maid päädist leijee ulmuuh láá ettâm. Om. Tobbeen láá kyeleh.
- Morfologisâš analyys – Talle puáhtá porgâđ morfologisii analyys, ađai kyeleh = kyeli+N+Pl+Nom
- Syntaktlâš analyys – Puáhtá merkkiđ meiddei syntaktlii analyys, ađai kyeleh = subjekt.
- Suomâkielâlâš já eŋgâlâskielâlâš jurgâlus – Táválávt láá merkkejum meiddei suomâkielâlâš jurgâlus já eŋgâlâskielâlâš jurgâlus nuuvt et kiinii, kote ij määti anarâškielâ, puáhtá uuccâđ suomâkieláin tâi eŋgâlâskieláin.
ELAN-tiätuvuárhást tehálumos uási lii taggaar pááru, mii lii tiätuvuárhá pelimuddoost. Tot lii jienâpäddi.
Jienâpäädi vyelni láá nuuvt kočodum Tiers, ađai Tääsih:
- Speech – Taat lii vuossâmuu annotaatio várás (ađai kirjekielâ annotaatio). Taat vuossâmuš annotaatio lii celkkuu tääsist.
- Words – Taat lii tađe várás, et puáhtá iäruttiđ puoh saanijd, moh láá Speech-tääsi celkkust. Jis haalijd porgâđ meiddei morfologisii analyys já syntaktlii analyys, te kalga analysistiđ puoh saanijd sierâ já jyehi sáánán kalga lasettiđ jieijâs annotaatio. Words-táásán šaddeh sierânâs annotaatioh.
- Morphology – Taat lii morfologisii analyys várás. Morfologisii analyys puáhtá porgâđ jyehi Words-tääsist leijee sáánán sierâ.
- Syntax – Taat lii syntaktlii analyys várás. Meiddei syntaktlii analyys puáhtá porgâđ jyehi Words-tääsist leijee sáánán sierâ.
- Finnish – Taat lii suomâkielâlii jurgâlus várás.
- English – Taat lii eŋgâlâskielâlii jurgâlus várás.
Jis lii tárbu, lii meiddei máhđulâš lasettiđ uđđâ taasijd.