Counter-Strike 2
Counter-Strike 2 lii peividum versio Counter-Strike: Global Offensive -speelâst. Tast spellih kyehti juávhu, main nubbe iirât pacâttiđ poomi spellâkártá tiätu kuávluin, já nubbe vuod iirât estiđ tom. Áámmáttääsist spellâ váátá ovdâmerkkân jotelis refleksijd já miärádâsâid, pehtilis viestâdem juávkkukuoimijguin sehe jieškote-uvlágánij taktiikij rähtim já olášuttem.[1]
Turnaameh[mute | mute käldee]
Vuossâmuš Counter-Strike 2 Major-turnam uárnejui njuhčâmáánu 21.–31. peeivij 2024 Kööbenhamânist, Tanskaast.[2] Turnam váldupalhâšummeen lijjii suullân 460 000 eurod.[3] Major lii speelâ tehálumos já stuárráámus turnam.[1]
Ive 2023 Major-turnam Kööbenhamânist[mute | mute käldee]
Natus Vincere -nommâsâš juávkku vuoitij Counter-Strike 2 -speelâ Major-turnaamist Kööbenhamânist maŋŋeed pasepeeivi ehidist njuhčâmáánu 31. peeivi 2024.[4] Natus Vincere ađai Na'Vi vuoitij finalist kievrâmus vyeitteeiävtukkâs FaZe Clan kárttávuáituiguin 2–1.[5] Spellum kártáh lijjii Ancient (Na'Vi vuoitij 13–9), Mirage (Faze Clan vuoitij 13–2) já Inferno (Na'Vi vuoitij 13–3).[3]
Na’Vi-juávkun kullii syemmilâš Aleksi "Aleksib" Virolainen, liettualâš Justinas "jL" Lekavicius, romanialâš Mihai "iM" Ivan sehe ukrainaliih Valeriy "b1t" Vakhovskiy já Ihor "w0nderful" Zhdanov.[1] Meiddei juávhu välmejeijee Andrey "B1ad3" Gorodenskiy lâi ukrainalâš.[1]
Käldeeh[mute | mute käldee]
- ↑ 1,0 1,1 1,2 1,3 Valkeapolku, Valtteri: Aleksi Virolainen lii vuosmuš syemmilâš, kote lii vuáittám maailm tehálumos Counter-Strike 2 -turnam anarasaavis.fi. 8.4.2024. Čujottum 8.4.2024.
- ↑ PGL CS2 Major Copenhagen 2024 hltv.org. Čujottum 8.4.2024. (eŋgâlâskielân)
- ↑ 3,0 3,1 Aleksi Virolainen, 27, voitti maailman suurimman CS-turnauksen! Hurja voittopotti Ilta-Sanomat. 31.3.2024. Čujottum 8.4.2024. (suomâkielân)
- ↑ NAVI Beat FaZe to Win PGL Major Copenaghen hltv.org. Čujottum 8.4.2024. (eŋgâlâskielân)
- ↑ Stubbs, Mike: NAVI Wins The First ‘Counter-Strike 2’ Major In Copenhagen Forbes. Čujottum 8.4.2024. (eŋgâlâskielân)