Chadwick Boseman
| Chadwick Boseman | |
|---|---|
.jpg)
| |
| Persovntiäđuh | |
| Šoddâm | skammâmáánu 29. peeivi 1976 |
| Anderson, Maadâ-Carolina, Ovtâstum staatah | |
| Jáámmám | 28. porgemáánu 2020 |
| Karrieer | |
| Aktiivlâžžân | 2003–2020 |
| Merhâšittee roolah | Black Panther (Marvel Cinematic Universe) |
| Palhâšumeh | |
| People's Choice Awards Mielâsumos almai elleekovetäsni 2018 Black Panther | |
| Peerâ | |
| Vaanhimeh | Carolyn já Leroy Boseman |
| Pelikyeimi | Taylor Simone Ledward |
| Lasetiäđuh | |
| IMDb-sijđo | IMDb |
Chadwick Aaron Boseman (29. skammâmáánu 1976 Anderson, Maadâ-Carolina, Ovtâstum staatah – 28. porgemáánu 2020 Los Angeles, Kalifornia, Ovtâstum staatah) lâi ovtâstumstaatâlâš čaittâleijee, kiäm tobdeh pyeremustáá suu T'Challa/Black Panther roolâst Marvel-elleekuuvijn. Sun čaittâlij meid maaŋgâid ikonisâš oovdâstjottee čapis ulmuid tego James Brown (elleekooveest Get on Up), Jackie Robinson (elleekooveest 42) já Thurgood Marshall (elleekooveest Marshall).[1]
Eellim
[mute | mute käldee]Chadwick Boseman šoodâi Andersonist, Maadâ-Carolinast Carolyn já Leroy Bosemanân. Sun lâi nuorâmus perruu kuulmâ viljiist. Luvâttuvâst Boseman lâi korrâ spellâđ koripáálu, mutâ ij juátkám ton karrieerist tast maŋa ko suu ustev já juávhudâhskippáár jaamij, ko kiinii paajij suu. Boseman čäliškuođij koripáálu saajeest já tienuuvt kieđâvušâi tobdoidis. Nuuvtpa ko koolgâi valjiđ juátku-uápuid, te sun meridij moonnâđ luuhâđ taiđuu Howard Universityn, juurdân šoddâđ stivrejeijen.[1] Tobbeen sun valmâštui ive 2000. Ive 1998 sun juuđij meid Oxford čaittâlemkuursâ.[2]
Karrieer
[mute | mute käldee]Boseman varrij New Yorkân, kost sun lâi mieldi páihálijn teatterijn. Siämmáá ääigi sun finniiškuođij kyessiroolâid maaŋgâlágán TV-rááiđuin tego Law & Order, CSI: NY já ER.[3]
Aaigân ovdediđ jieijâs karrieer, Boseman varrij Los Angelesân ive 2008.[4] Siämmáá ive sun finnij roolâ TV-rááiđust Lincoln Heights já Floyd Little -roolâ elleekooveest The Express - suu vuosmuš roolâ kuhes elleekooveest. Tehálâš elleekove sunjin lâi ive 2013 puáttám 42, mast sun čaittâlij vuosmuu čapis pesipálluspellee, kii speelâi Major Leaguest: Jackie Robinson.
Jäämmim
[mute | mute käldee]Ive 2016 Bosemanân diagnosistui kuálmád tääsi kossâčuálipuurâs, mast sun ij kuássin muštâlâm almolávt. Sun eelij maŋgii čuopâdâsâin já kemoterapiain elleekovepyevtittâsâi kooskâst já tai ääigi. Boseman jaamij päihistis.[5]
Filmografia
[mute | mute käldee]| Elleekoveh | |||
|---|---|---|---|
| Ihe | Nommâ | Roolâ | |
| 2008 | The Express | Floyd Little | |
| 2013 | The Kill Hole | luutnant Samuel Drake | |
| 42 | Jackie Robinson | ||
| 2014 | Draft Day | Vontae Mack | |
| Get on Up | James Brown | ||
| 2016 | Gods of Egypt | Thot | |
| Captain America: Civil War | T'Challa/Black Panther | ||
| Message from the King | Jacob King | ||
| 2017 | Marshall | Thurgood Marshall | |
| 2018 | Black Panther | T'Challa/Black Panther | |
| Avengers: Infinity War | |||
| 2019 | Avengers: Endgame | ||
| 21 Bridges | Andre Davis | ||
| 2020 | Da 5 Bloods | Norman Earl ”Stormin’ Norm” Holloway | |
| Televisiorááiđuh | ||||
|---|---|---|---|---|
| Ive | Nommâ | Roolâ | ||
| 2003 | All My Children | Reggie Porter Montgomery #1 | ||
| Third Watch | David Wafer | |||
| 2004 | Law & Order | Foster Keyes | ||
| 2006 | CSI: NY | Rondo | ||
| 2008 | ER | Derek Taylor | ||
| Cold Case | Dexter ’Dex’ Collins | |||
| 2008–2009 | Lincoln Heights | Nathaniel ”Nate” Ray | ||
| 2009 | Lie to Me | Cabe McNeil | ||
| 2010 | Persons Unknown | Graham McNair | ||
| The Glades | Michael Richmond | |||
| 2011 | Castle | Chuck Russell | ||
| Detroit 1-8-7 | Tommy Westin | |||
| Justified | Ralph ’Flex’ Beeman | |||
| Fringe | Mark Little / Cameron James | |||
| 2021 | What If...? | |||
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Chadwick Boseman.
Käldeeh
[mute | mute käldee]- ↑ 1,0 1,1 ‘Black Panther’ Star Chadwick Boseman Dies of Cancer at 43 The New York Times, 28.8.2020. Čujottum 29.8.2020. (eŋgâlâskielân)
- ↑ 'Black Panther' star Chadwick Boseman dies at 43 CNN 29.8.2020. Čujottum 29.8.2020. (eŋgâlâskielân)
- ↑ Chadwick Boseman, ‘Black Panther’ Star, Dies at 43 Variety 28.8.2020. Čujottum 29.8.2020. (eŋgâlâskielân)
- ↑ Chadwick Boseman Biography IMDb (eŋgâlâskielân)
- ↑ Black Panther -elokuvan tähti Chadwick Boseman on kuollut 43-vuotiaana Helsingin Sanomat, 29.8.2020. Čujottum 29.8.2020. (suomâkielân)