Beulah Bondi
| Beulah Bondi | |
|---|---|
| |
| Persovntiäđuh | |
| Šoddâm | vyesimáánu 3. peeivi 1889 |
| Chicago, Illinois, Ovtâstum staatah | |
| Jáámmám | uđđâivemáánu 11. peeivi 1981 (91-ihásâžžân) Los Angeles, Kalifornia |
| Karrieer | |
| Aktiivlâžžân | 1895–1976 |
| Lasetiäđuh | |
| IMDb-sijđo | IMDb |
Beulah Bondi (š. Bondy; 3. vyesimáánu 1889 Chicago, Illinois – 11. uđđâivemáánu 1981 Los Angeles, Kalifornia) lâi ovtâstumstaatâlâš čaittâleijee. Sun čaittâlij uálgiroolâid maaŋgâin elleekuuvijn 1930-lovvoost, já lâi Oscar-iävtukkâssân kuohtii: ohtii rolâstis elleekooveest The Gorgeous Hussy (1936) já ohtii elleekooveest Of Human Hearts (1938)[1], mast sun čaittâlij James Stewart eeni. Sun čaittâlij Stewart eeni meid kuulmâ eres elleekooveest: Vivacious Lady (1938), Mr. Smith Goes to Washington (1939) já It's a Wonderful Life (1946).[2]
Eellim já karrieer
[mute | mute käldee]Beulah Bondy šoodâi ive 1889 Chicagost, Illinoisist, mutâ peerâ varrij Valparaison, Indianan ko sun lâi kuulmâihásâš. Suu vanhimeh láin Abram O. Bondy já Eva Suzanna Marble Bondy.[3]
Bondi luuvâi jieijâs maister räi Valparaiso Universityst uáppuamnâsin sárnum. Maŋeláá sun kuittâg sirdâšui čaittâlemsuárgán – vistig Broadway čaittâleijen já maŋeláá elleekoverooláid.[4] Suu vuosmuš elleekoveroolâ lâi Elmer Rice elleekooveest Street Scene (1931).[2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Beulah Bondi.
- Beulah Bondi Internet Movie Databasest (eŋgâlâskielân)
Käldeeh
[mute | mute käldee]- ↑ Beulah Bondi - Awards IMDb. Čujottum 20.4.2022.
- ↑ 2,0 2,1 Beulah Bondi Hollywood Walk of Fame. 25.10.2019. Čujottum 20.4.2022. (eŋgâlâskielân)
- ↑ Axel Nissen: Actresses of a Certain Character: Forty Familiar Hollywood Faces from the Thirties to the Fifties. McFarland, 2007. ISBN 978-0-7864-2746-8. Tyeje nettiversio (čujottum 20.4.2022). en
- ↑ Beulah Bondi - Biography IMDb. Čujottum 20.4.2022.