Anna Idström
Anna Idström (š. 1974) lii syemmilâš kielâtotkee já kirječällee.[1]
Karrieer
[mute | mute käldee]Idström luuvâi suomâ-ugrâlâš kielâtutkâm Helsig ollâopâttuvvâst, mast sun valmâštui filosofia maisterin ive 2005. Suu Pro Gradu -tuuđhâlm fáddán lâi "Aalman já ton almonáid lohtâseijee kielâkuuvij variaatio" jieškote-uvlágánijn kielâin.[2]
Kulmâ ive maŋeláá sun macâttij lisensiaatpargo Helsig ollâopâttâhân. Pargo kieđâvušâi anarâškielâ ääigi já luándu tuávádâhmetaforaid. Suu ive 2010 almostittum náguskirje kieđâvušâi siämmáá fáádá, mut vijđásubbooht. Siämmáá ive sun nágáttâlâi tuáhtárin Helsig ollâopâttuvvâst.[3]
Ive 2022 suu vuossâmuš roomaan Taivaankalat almostui Suomâst. Kirje lii autofiktiivlâš. Romanist lává uáivipersovnkyevtis: kielâtotkee Laura já uccârikolâš Mikael. Laura totká anarâškielâ idiomijd tego Anna Idström jieš lii porgâm. Sun feeree pargosajekivsedem ollâopâttuvvâst já páácá pargottemmin náguskirjes valmâštum maŋa. Laura já Mikael teividává mottoom junamääđhi ääigi. Persovneh iä lah jyehi saajeest fiktiivliih. Áámmátsyergi olmooš tobdá sii persovnlávt, veik persovnij noomah láá-uv fiktiivliih. Lohhee tobdá tiilijd-uv, maid čällee kovvee. Tággáár lii ovdâmerkkân nágustilálâšvuođâ kuvvim.
Pargo
[mute | mute käldee]Tiätukirjálâšvuotâ
[mute | mute käldee]- 2005 – Taivaaseen liittyvien kielikuvien taustan variaatiosta (pro gradu -tuuđhâlm, Helsig ollâopâttâh)
- 2008 – Inarinsaamen käsitemetaforat - lähemmässä tarkastelussa ajan ja luonnon metaforat (lisensiaatpargo, Helsig ollâopâttâh)
- 2009 – Kielissä kulttuurien ääni. Tietolipas 228 (toim. oovtâst Sachiko Sosain)
- 2010 – Inarinsaamen idiomisanakirja (oovtâst Hans Morottajain)
- 2010 – Inarinsaamen käsitemetaforat (náguskirje, Helsig ollâopâttâh)
- 2012 – Endangered Metaphors (toim. oovtâst Elisabeth Piiraisáin já Tiber Falzettáin)
- 2013 – Decent work : promising practices in the employment of people with disabilities from Sweden, Denmark, Estonia, and Finland (toim. oovtâst Marko Stenroosáin já Minna Uimosáin)
- 2014 – Revisiting the universality of natural semantic metalanguage: A view through Finnish. SKY Journal of Linguistics 27 (oovtâst Ulla Vanhataloin já Heli Tissarijn)
- 2016 – Helsingin menestyminen kansainvälisissä vertailuissa: mitä näistä vertailuista olisi syytä tietää?
- 2017 – Helsingin kaupunginvaltuuston 2013-2016 itsearviointikyselyn tulokset
Čaabâkirjálâšvuotâ
[mute | mute käldee]- 2022 – Taivaankalat, Jyväskylä: Atena
Käldeeh
[mute | mute käldee]- ↑ Anna Idström Atena Kustannus. Čujottum 24.9.2022. (suomâkielân)
- ↑ Taivaaseen liittyvien kielikuvien taustan variaatiosta Helsig ollâopâttâh. Čujottum 25.9.2022. (suomâkielân)
- ↑ Inarinsaamen käsitemetaforat helda.helsinki.fi. Čujottum 25.9.2022. (suomâkielân)
