Anja Storelv
| Anja Storelv | |
|---|---|
| Persovntiäđuh | |
| Šoddâm | kuovâmáánu 18. peeivi 1979 |
| Šoddâmsaje | Skånland, Taažâ |
| Aalmugjeessânvuotâ | Taažâ |
| Musikkár | |
| Lávlumkielah | orjâlâškielâ |
| Genreh | popmuusik, juáigus |
| Peerâ | |
| Pelikyeimi | Øyvind Storelv |
Anja Kathrin Storelv (j. s. Vesterheim ive 2004 räi[1][2]; š. kuovâmáánu 18. peeivi 1979, Skånland, Taažâ) lii sämmilâš musikkár, lávloo já párnáimáttáátteijee.[3] Sun lii vuáittám Sámi Grand Prix -kišto lávlumuási kuohtii: iivij 1998 já 1999.[4][5] Sun sännee pitáidis tavesämikielân.
Eellim
Anja Kathrin Vesterheim šoodâi kuovâmáánu 18. peeivi 1979 Skånlandist, Taažâ beln. Sun rávásmij Reinåsenist Trøsemarkist.[6][7] Ko sun lâi 8-ihásâš, sun lávluškuođij Skånland kirho párnáikuorost.[6][8] Sun joođhij lávlum nuorâikuorost-uv. Muusik lasseen sun kištottâlâi maaŋgâlágán valastâllâmšlaajâin tegu pyerástâlmist já čuoigâmist.[9][10]
Škoovlâ maŋa Vesterheim varrij Tromssan luuhâđ párnáimáttáátteijen Tromsa ollâškoovlâst, mast sun valmâštui ive 2002.[11][12] Valmâštum maŋa ive 2002 Vesterheim el. leehâi Kárášjuuhâ pessijâšmarkkânij já lávdástij Márkomeannu-muusikfestivalist.[7][13] Ton lasseen sun varrij Råneån Ruotâ peln.
Karrieer
Ive 1996 sun uásálistij vuossâmuu keerdi Sámi Grand Prix -kiišton, tuše 17-ihásâžžân.[5][8][14] Sun láávlui pitá Vievdan, mon saanijd lâi čáállám maasilâš Issát Sámmol Hætta.[5] Turid Vesterheim lâi te heiviittâm Hætta saanijd Ofotenist ässee sämmilij kuávlukielân.[8] Pitá nuottij Rune Hovdan.[8] Vesterheim ij vuáittám.
Muádi ive maŋa sun uásálistij ooppeet kiišton. Taan häävi sun vuoitij lávlumuási pittáin Guorus Váibmu.[5] Sun sehe sannij já nuottij pitá.[5] Vuáitu maŋa pivdui, et sun juoigâččij Mihail Gorbatšovân. Sun juoigâi Harstad/Narvik-kirdemkiedist Gorbatšovân, Raisa Gorbatšovan já Gorbatšov-instituut professoráid.[15]
Ive 1999 sun kištodij siämmáá uásist pop-pittáin Boares muitu.[1][5] Pitá sannijn Idar já Kenneth Reinås.[16] Taan-uv ive sun vuoitij kišto lávlumuási.[16] Vuáitu maŋa sun pivdui lávluđ Taažâ Sämitige uđđâ viste lekkâmjuuhlijn skammâmáánu 2. peeivi 2000.[17]
Ive 2015 sun uásálistij tááláá suhânoomáin Sámi Grand Prix -lávlumuásán pittáin Liegga sallas, mon Bernt Mikkel Haglund sannij já nuottij. Taan keerdi Storelv ij vuáittám.[5]
Diskografia
Storelv lii almostittám studioalbumijd Viervái ive 2012 já Niegadit ive 2015.
Studioalbumeh
Nurâldâhskiäruh
Storelvist lii pittá meid čuávuváá skiärust:
- 2016 – Sámi Grand Prix 2014 & 2015, pittáin Liegga salla
Käldeeh
- ↑ 1,0 1,1 Idivuoma, Per-Josef: Anja Storelv: Jag kände mig fri Sveriges Radio. 1.5.2015. Čujottum 26.5.2022. (ruotâkielân)
- ↑ Vi gifter oss. Harstad Tidende, 27.3.2004, 118. ihekerdi, nr 74, s. 50. Artikkâl nettiversio Čujottum 27.5.2022. (tárukielân)
- ↑ Wede, Lisa já Pettersson, André: Anja Storelv skapade sin samiska identitet Sveriges Radio. 30.10.2015. Čujottum 26.5.2022. (ruotâkielân)
- ↑ Anja Storelv: Jag kände mig fri Sveriges radio. 2015-05-1. Čujottum 26.5.2022. (ruotâkielân)
- ↑ 5,0 5,1 5,2 5,3 5,4 5,5 5,6 Hætta, Wenche Marie: Hvem-Hva-Når om Sámi Grand Prix NRK Sápmi. 29.3.2007. Čujottum 26.5.2022. (tárukielân) já (tavesämikielân)
- ↑ 6,0 6,1 Lund, Gunnar: Flyr høyt etter Sami Grand Prix. Harstad Tidende, 18.4.1998, 112. ihekerdi, nr 88, s. 25–27. Artikkâl nettiversio Čujottum 27.5.2022. (tárukielân)
- ↑ 7,0 7,1 Tellefsen, Jon Iver Eira: Márkomeannu 2002. Min Áigi, 31.7.2002, 10. ihekerdi, nr 61, s. 6. Artikkâl nettiversio Čujottum 27.5.2022. (tavesämikielân)
- ↑ 8,0 8,1 8,2 8,3 Pedersen, Kjell A.: Satser på samisk Melodi Grand Prix. Harstad Tidende, 24.2.1996, 110. ihekerdi, nr 47, s. 17. Artikkâl nettiversio Čujottum 27.5.2022. (tárukielân)
- ↑ Sykkel i Nordreisa. Framtid i Nord, 23.6.1992, 5. ihekerdi, nr 58, s. 11. Artikkâl nettiversio Čujottum 27.5.2022. (tárukielân)
- ↑ Lund, Gunnar: Sekundstrid blant jentene. Harstad Tidende, 16.3.1992, 106. ihekerdi, nr 64, s. 13. Artikkâl nettiversio Čujottum 27.5.2022. (tárukielân)
- ↑ Anja satser samisk NRK Sápmi. 7.11.2000. Čujottum 26.5.2022. (tárukielân)
- ↑ Nye førskolelærere. Nordlys, 24.5.2002, 101. ihekerdi, nr 116, s. 37. Artikkâl nettiversio Čujottum 27.5.2022. (tárukielân)
- ↑ Graven, Anja Guttorm: Bivastahtte Anja. Min Áigi, 6.4.2002, 10. ihekerdi, nr 28, s. 14–15. Artikkâl nettiversio Čujottum 27.5.2022. (tavesämikielân)
- ↑ Niegadit – Anja Storelv Band Sveriges Radio. 9.4.2015. Čujottum 26.5.2022. (ruotâkielân)
- ↑ Hilste Gorbie med joik. Harstad Tidende, 11.5.1998, 112. ihekerdi, nr 106, s. 1. Artikkâl nettiversio Čujottum 27.5.2022. (tárukielân)
- ↑ 16,0 16,1 Godø, Knut: Anja vant på ny. Harstad Tidende, 6.4.1999, 113. ihekerdi, nr 77, s. 45. Artikkâl nettiversio Čujottum 27.5.2022. (tárukielân)
- ↑ Lemet Ándde Ánne Kirste Lill-Tove: Rahpan duoddara čábbáseamos visttis. Áššu, 4.11.2000, 8. ihekerdi, nr 88, s. 5. Artikkâl nettiversio Čujottum 27.5.2022. (tavesämikielân)
