Aldous Huxley

Wikipedia:st
Njuškii navigistmân Njuškii ucâmân
Aldous Huxley
Šoddâm syeinimáánu 26. peeivi 1894
Godalming, Surrey, Eŋland, Ovtâstum kunâgâskodde
Jáámmám skammâmáánu 22. peeivi 1963 (69-ihásâžžân)
Los Angeles, Kalifornia, Ovtâstum staatah
Pargo
Áámmát kirječällee, filosof
Kielâ eŋgâlâskielâ
Peerâ
Vanhimeh Leonard Huxley (1860–1933)
Julia Arnold (1862–1908)
Pelikyeimi Maria Nys, vihkâm 1919, jáámmám 1955
Laura Archera, vihkâm 1956
Párnááh Matthew Huxley (1920–2005)
Lasetiäđuh
Nommâčáálus

Aldous Leonard Huxley (26. syeinimáánu 1894 Godalming, Surrey, Eŋland, Ovtâstum kunâgâskodde22. skammâmáánu 1963 Los Angeles, Kalifornia, Ovtâstum staatah) lâi eŋlandlâš kirječällee já filosof. Sun čaalij ohtsis 47 kirjed elimis ääigi, sehe fiktio ete tiätukiirjijd, esseid, čaitâlmijd já tiivtâid. Suu tobdosumos kirje lii ive 1932 almostum tieđâmainâsroomaan Brave New World.

Eellim[mute | mute käldee]

Aldous Huxley šoodâi perrus kuálmád pärnin Godalmingist Eŋlandist ive 1894. 14-ihásâžžân sun algâttij uápuid Eton Collegest. Sun kaartâi kuittâg joskâđ uápuid kuulmâ ive maŋa, ko sun puáccái já uážui pisovâš čalmeváádu. Huxley enni jaamij, ko sun lâi tuše 14-ihásâš. Ive 1913 Huxley luvâškuođij eŋlandlâš kirjálâšvuođâ Balliol Collegest Oxfordist. Sun valmâštui ive 1916 kesimáánust. Valmâštum maŋa sun poorgâi ranskakielâ máttáátteijen Eton Collegest, kost puáttee kirječällee George Orwell lâi ohtâ suu uáppein. 1920-lovvoost Huxley poorgâi meiddei kemiallii fabrikist Billinghamist. Huxley naajâi belgialâš Maria Nysáin ive 1919[1], já čuávuváá ive sunnui šoodâi alge Matthew. Ive 1937 peerâ varrij Ovtâstum staatáid, kost Huxley aasâi elimis loopâ räi. Suu vuossâmuš kálgu Maria jaamij purâsân ive 1955. Ive 1956 Huxley naajâi Laura Archerain. Huxley puáccái purâsân ive 1960 já jaamij skammâmáánu 22. peeivi 1963 69-ihásâžžân.[2]

Kirjálâš karrieer[mute | mute käldee]

Huxley algâttij kirjálâš karrieeris 1920-lovvoost, ko sun almostitij nelji roomaan: Crome Yellow (1921), Antic Hay (1923), Those Barren Leaves (1925) já Point Counter Point (1928). Suu vuossâmui kiirjij šlaajâ lâi sosiaallâš saatiir. Suu tobdosumos kirje, saatiirlâš tieđâmainâsroomaan Brave New World, almostui ive 1932. Huxley čaalij meiddei lostáid, almostitij čaitâlmijd sehe essee- já tihtâčuágálduvâid.

Čalluuh[mute | mute käldee]

Romaneh[mute | mute käldee]

  • Crome Yellow (1921)
  • Antic Hay (1923)
  • Those Barren Leaves (1925)
  • Point Counter Point (1928)
  • Brave New World (1932)
  • Eyeless in Gaza (1936)
  • After Many a Summer (1939)
  • Time Must Have a Stop (1944)
  • Ape and Essence (1948)
  • The Genius and the Goddess (1955)
  • Island (1962)

Nooveelčuágálduvah[mute | mute käldee]

  • Limbo (1920)
  • Mortal Coils (1922)
  • Little Mexican and Other Stories (1924)
  • Two or Three Graces and Other Stories (1926)
  • Brief Candles (1930)
  • Collected Short Stories (1944)

Tiätukirjeh[mute | mute käldee]

  • Grey Eminence: A Study in Religion and Politics (1941)
  • The Art of Seeing: An Adventure in Re-education (1942)
  • The Perennial Philosophy (1945)
  • The Devils of Loudun (1953)

Esseečuágálduvah[mute | mute käldee]

  • On the Margin: Notes and Essays (1923)
  • Essays New and Old (1926)
  • Proper Studies: The Proper Study of Mankind Is Man (1927)
  • Do What You Will (1929)
  • Holy Face and Other Essays (1929)
  • Vulgarity in Literature: Digressions from a Theme (1930)
  • Music at Night and Other Essays (1931)
  • Texts and Pretexts: An Anthology with Commentaries (1932)
  • The Olive Tree and Other Essays (1936)
  • Ends and Means: An Enquiry into the Nature of Ideals and the Methods Employed for their Realization (1937)
  • Words and their Meanings (1940)
  • Science, Liberty and Peace (1946)
  • Themes and Variations (1950)
  • The Doors of Perception (1954)
  • Heaven and Hell (1956)
  • Adonis and the Alphabet and Other Essays (1956)
  • Collected Essays (1958)
  • Brave New World Revisited (1958)
  • On Art and Artists: Literature, Painting, Architecture, Music (1960)
  • Literature and Science (1963)

Tihtâčuágálduvah[mute | mute käldee]

  • The Burning Wheel (1916)
  • Jonah (1917)
  • The Defeat of Youth and Other Poems (1918)
  • Leda (1920)
  • Selected Poems (1925)
  • Arabia Infelix and Other Poems (1929)
  • The Cicadas and Other Poems (1931)

Käldeeh[mute | mute käldee]

  1. Aldous Huxley (Author) OnThisDay.com. Čujottum 13.10.2022. (eŋgâlâskielân)
  2. Reiff, Raychel Haugrud: Aldous Huxley: Brave New World, s. 35. Marshall Cavendish Corporation, 2010.
Jurgâlus
Jurgâlus
Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâliih artikkâleh: en:Aldous Huxley & en:Aldous Huxley bibliography