Čevetjäävri škovlâ
Čevetjäävri škovlâ (nuorttâlâškielân Čeʹvetjääuʹr škooul, suomâkielân Sevettijärven koulu) lii uccâ kyevtkielâg ovtâstittum škovlâ Čevetjäävrist. Škoovlâst adeluvvoo vuáđumáttááttâs iheluokkaid 1–9. Tobbeen puáhtá luuhâđ nuorttâlâškielâ sehe eenikiellân já vieres kiellân. Nuorttâlâškielâ kiävttoo máhđulâšvuođâi mield meiddei eres oppâtiijmijn. Škovlâ lii siijdâ kulttuurtábáhtusâi kuávdáš, já uáppeeh uásálisteh távjá tábáhtusâi orniimân[1].