Wikipedia:Narcce

Wikipedia:st
Siirry navigaatioon Siirry hakuun

Wikipediast artikkâl lii narcce, jis tot lii tuše uánihis laiđiittâs fáádán mast ličij eenâb-uv merhâšittee ääših maid muštâliđ. Šiev narcce muštâl fádástis merhâšitteemus vuáđutiäđuid já fáálá vuáđu kuhes artikkâl čälimân.

Uánihis teikkâ viehâ uánihis, mutâ fáádá vuáđulávt já vijđáht čielgee artikkâl ij lah narcce. Puoh fáádáin iä veltihánnáá lah ennuv merhâšittee ääših maid muštâliđ. Kuhes artikkâl ij lah narcce, veikkâ tast váiluuččii-uv motomeh kuávdáš ääših. Naarcan ij lah kukkoduv merkkârääji, mutâ kuhes artikkâlijn ij lah avžuuttettee kevttiđ narccemyenster, pic kolgâččij kuorâttâllâđ ovdâmerkkân tivvoommyenster kevttim ton saajeest. Narcceartikkâlân puáhtá lasettiđ váilojeijee kuávdáš tiäđuid uánihávt-uv, kuás artikkâl ij innig lah narcce. Narcceartikkâlân puáhtá lasettiđ narccemerkkiim, jis kuávdáš váilojeijee aašijd ij paste lasettiđ tállân.

Narccemerkkiim[Mute käldee]

Narcceartikkâl loopân kannat lasettiđ merkkiim čälimáin koodi {{Narcce}}. Tot šadda artikkâlin tágárin:

Taat artikkâl lii uáli uánihâš já narcce. Tun puávtáh išediđ Wikipedia viijđedmáin artikkâl.

Narccemyenster kevtidijn lii tuáivuttittee adeliđ meid uánihis agâstâllâm toos, mondiet eidu tot artikkâl lii merkkejum narccen. Tun jieh taarbâš tiettiđ moh kuávdáš tiäđuid artikkâlist váiluh, pic tom mii artikkâlist váilu. Taam puáhtá porgâđ kevttimáin suijâ-argument {{Narcce|suijâ}}, ovdâmerkkân {{Narcce|Historjá já viehâdâh}}, mii šadda artikkâlin tágárin:

Taat artikkâl lii uáli uánihâš já narcce. Tun puávtáh išediđ Wikipedia viijđedmáin artikkâl.
  • Merkkiim suijâ: Historjá já viehâdâh

Toos lasseen lii kuittâg avžuuttettee kevttiđ mottoom sierâ narccemyenster, mii kovvee fáádá pyerebeht. Artikkâl loopâst uážžu leđe tuše ohtâ narccemyenster, mii kalga kuvviđ ääši nuuvt pyereest ko máhđulâš.

Ko artikkâl lii maŋeláá vijđedum nuuvt ennuv, ete tot ij innig lah narcce, te narccemyenster kalga meddâlistiđ artikkâlist.

Ovdâmerkkâ narcceest[Mute käldee]

Tast lii ovdâmerkkâ maggaar artikkâl rekinistuuččij narccen:

Jyelgipállu (motomin eteh meid eurooplâš jyelgipállu, ko halijdeh sierriđ ameriklâš jyelgipáálust) lii maailm pivnohumos valastâllâmšlaajâ, mast kyehti 11 persovn juávhu irâtteh toohâđ eenâb moolâid ko vuástájuávkku. Enâmustáá jyelgipáálu spellih juolgijgijn já roopâ eres osijgijn peic kieđâigijn. Tuše molâvahtâ uážžu spellâđ páálu kieđâigijn talle ko spellâ lii joođoost.
Jyelgipáálu spellih áámmátlávt jyehi nanamist, já motomijd spiekâstuvâid rekinisthánnáá tot lii pivnohumos šlaajâ puoh Euroop, läättinlâš Amerik, Afrik já Aasia enâmijn. Miljovneh ulmuuh pirrâ maailm maneh keččâđ jyelgipálluspeelâid eromâš jyelgipállustadionáid, já val eenâb ulmuuh keččih speelâid televisiost. Jyelgipáálu piergiimettum pivnohvuođâ tet tom kočodeh-uv maŋgii "kunâgâsšlaaijân".

Keejâ meid[Mute käldee]