Wikipedia

Wikipedia:st
Njuškii navigistmân Njuškii ucâmân
Wikipedia logo

Wikipedia lii neetist leijee maaŋgâkielâsâš rijjâ tiätusänikirje, mon vuáđđun lii MediaWiki-tekniik, já mon paijeentuálih já moos čäälih iävtutátuliih. Kii peri puáhtá kuás peri editistiđ tom.

Wikipedia vuáđudui uđđâivemáánu 15. peeivi 2001. Vuáđudeijeeh láin Jimmy WalesLarry Sanger. Wikimedia Foundation išedâš Wikipedia.[1]

Kielâversioh

Kuovâmáánust 2023 Wikipediast lijjii ohtsis 318 kielâversiod. Toi lasseen láá lamaš 11 kielâversiod, moh láá tastoo kiddâdum. Vittâ artikkâlmiärálávt stuárráámuu Wikipedia oornigist láá eŋgâlâskielâlâš, cebuanokielâlâš, saksakielâlâš, ruotâkielâlâšranskakielâlâš Wikipedia. Ohtsis 18 Wikipediast láá paijeel miljovn artikkâlid já 71 Wikipediast paijeel 100 000 artikkâlid.[2]

Veikkâ cebuano- já ruotâkielâliih Wikipediah láá artikkâlmiärálávt viiđâ stuárráámuu Wikipedia juávhust, maaŋgâid tai artikkâlijn lii ráhtám automaatlávt ohtâ botti. Ovdâmerkkân ive 2014 Lsjbot rahtij suulân pele ruotâkielâg Wikipedia artikkâlijn. Booti rähtim artikkâlij kvaliteet ij lah pyeri, já tassaažân paijeel miljovn täin láá meddâlistum ruotâkielâg Wikipediast. Cebuanokielâlâš Wikipediast láá siämmáálágán čuolmah, mut tobbeen botti lii ráhtám paijeel 99 % puoh artikkâlijn. Cebuano- já ruotâkielâ lasseen Lsjbot lii ráhtám artikkâlijd waray-waraykielâlâš Wikipediast siämmáánáál já siämmái čuolmâigijn.

Käldeeh

  1. Frequently asked questions - Wikimedia Foundation donate.wikimedia.org. Čujottum 27.2.2023. (eŋgâlâskielân)
  2. List of Wikipedias - Meta meta.wikimedia.org. Čujottum 27.2.2023. (eŋgâlâskielân)