Washington, D.C.
Washington, D.C. (virgálávt District of Columbia, kočoduvvoo meid Districtin, D.C.:n teikkâ tuše Washingtonin) lii Ovtâstum staatâi uáivikaavpug. Tot ij kuulâ oovtâgin uásistaatân, peic tot lii njuolgist Ovtâstum staatâi kongres vuálásâš kuávlu já tast lii räijejum jiešhaldâšem. Ton ráánjáh láá Maryland já Virginia uásistaatah.
Haldâttâh
[mute | mute käldee]Ovtâstum staatâi kongresist lii alemus väldi Washington haldâttuvvâst. Kongres lii maŋgii kiävttám vääldis toos, ete kommeet miärádâsâid, maid kaavpug jieijâs airâseh láá toohâm. DC ij lah ovdâmerkkân uážžum kevttiđ nurrum ruuđâid abortij falâmân, siämmáá suhâpele paarâi peerâpalvâlussáid tâi narkotiiknáálui molsomohjelm aalgâtmân, mast juurdân lâi kepidiđ HIV já AIDS njuámumii mere,[1] já mii ličij puáhtám piäluštiđ elimijd.[2] Toos lasseen kongres ij lah luáštám uáivikaavpug jieš meridiđ jieijâs viärjukyeddimlaavâin.[3]
Kaavpugist väljejeh oovtâ delegaat kongres ovdâsteijeiviistán, mutâ sust ij lah jienâstemvuoigâdvuotâ tego uásistaatâi ovdâsteijein lii.
Koččâmuš uásistaatâstatusist
[mute | mute käldee]Cuáŋuimáánust 2021 Ovtâstum staatâi kongres ovdâsteijei viste tuhhittij lahâiävtuttâs, mon mield Washington, D.C.:st šodâččij Ovtâstum staatâi 51. uásistaatâ.[4] Iävtuttâs kuittâg hilgui senatist.[5]
Viehâdâh
[mute | mute käldee]Ässeeloho
[mute | mute käldee]| Ihe | Ässeeloho | Ihe | Ässeeloho | Ihe | Ässeeloho | Ihe | Ässeeloho |
|---|---|---|---|---|---|---|---|
| 1800 | 8 144 | 1880 | 177 624 | 1940 | 663 091 | 2010 | 601 723 |
| 1810 | 15 471 | 1890 | 230 392 | 1950 | 802 178 | 2011 | 619 624 |
| 1820 | 23 336 | 1900 | 278 718 | 1960 | 763 956 | 2012 | 633 427 |
| 1830 | 30 261 | 1908 | 321 000 | 1970 | 756 510 | 2013 | 646 449 |
| 1840 | 33 745 | 1910 | 331 069 | 1980 | 638 333 | 2014 | 658 893 |
| 1850 | 51 687 | 1918 | 418 000 | 1990 | 606 900 | 2015 | 672 228 |
| 1860 | 75 080 | 1920 | 437 571 | 2000 | 572 059 | 2019 | 705 749 |
| 1870 | 131 700 | 1930 | 486 869 | 2010 | 605 125 | 2020 | 689 545 |
| Käldee: Wikidata | |||||||
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Washington, D.C..
Käldeeh
[mute | mute käldee]- ↑ Officials worry about legal abortion in D.C. if GOP takes Congress The Washington Post. 3.5.2022. Čujottum 21.3.2026. (eŋgâlâskielân)
- ↑ Ian Urbina: Alone in a City’s AIDS Battle, Hoping for Backup The New York Times. 29.5.2007. Čujottum 21.3.2026. (eŋgâlâskielân)
- ↑ Patrice Amandla Sulton: Congress shares the blame for DC’s gun violence The Hill. 18.10.2023. Čujottum 21.3.2026.
- ↑ Sprunt, Barbara: House Democrats Pass Bill To Make D.C. The 51st State NPR. 22.4.2021. Čujottum 4.8.2025. (eŋgâlâskielân)
- ↑ D.C. leaders herald Senate statehood bill despite steep odds Washington Post. 25.1.2023. Čujottum 4.8.2025. (eŋgâlâskielân)