Suomâráp uárjih
 | Taan arikkâlist teikâ ton uásist iä lah käldeeh. Tun puávtáh išediđ Wikipedia lasseetmáin käldeid artikkâlân. |
Suomâráp uárjih lii anarâš ráppájeijee Amoc laavlâ, mii kulá Amok-kaččâm -albumân.
Säänih
[mute | mute käldee]Taa láá lavluu säänih:[a]
- Suomâráp uárjih
- Tijme lii jo ohtâ, mut jiem haalijd koccáđgin.
- Halijdâm uáđđiđ, oppeet nohádiđ.
- Jiem haalijd moonnâđ paargon, veikkâ lii argâ,
- mut ij must lahkin pargo. Ij ubâ argân.
- Jiem haalijd porgâđ maiden maid jiem haalijd.
- Halijdâm tuš viälláđ já čäälliđ saanijd,
- kevttiđ karosaanijd, spellâđ tiätumaašin
- já ehidist nieidâi poođâid capciđ.
- Muu nierah ruápsájeh ton maŋa,
- mut mun irâttâm vala.
- Ij äävti, na mun tuuđâm vuolân.
- Leškiim vuálus čuávján, juuvâm puoh tom
- já tállân tuáŋgum, uáivi lii kuárus.
- Áálgám porttâvavttáin tuárruđ.
- Kirdelâm olgos, puoh ucášeh muu,
- mut mun halijdâm et puoh tobdeh muu.
- Halijdâm čäittiđ muu maailm.
- Halijdâm finniđ ruuđâid.
- Ryevdičurmâ čurmâd turboin suomâráp oorjijd ain.
- Halijdâm leđe vaijaa.
- Halijdâm haldâšiđ maailm taam.
- Ryevdičurmâ čurmâd turboin suomâráp maailm ain.
- Jiem haalijd leđe ohtuu, halijdâm tuu muu paaldân,
- mut lam ohtuu, pase tâi aargâ.
- Jiem taarbâš eissigin peeivigin leeidi jis,
- eellim lii taggaar ko Helsigist meeinig lii.
- Čabbinis nieidah, main lii tuš väivi.
- Ciägunjunij väzzih já puoh läittih.
- Mut mun halijdâm tuu muu fáárun.
- Tuu muu kálgun. Muu táálun.
- Mut tot lii tuš tuoivâjuurdâ.
- Jieh finnii kiämmán, lam nuuvt maŋgii kuullâm.
- Masa jiem vaje innig uuccâđ.
- Jiem vaje vyelgiđ kuussân.
- Mun tuše rievdâm taam maailmist.
- Nyeskis saanijn puoh nieidâid jaagiim.
- Halijdâm ilskittiđ tuu raasijn.
- Halijdâm et lah muu já ain muu.
- Halijdâm ruuđâ, mut ko lam nuuvt läški.
- Ijhân tággáár täsni taarbâš tiänáđ cääshi.
- Tondiet vuálgám-uv olgos jyehi eehid,
- skuálkuttâm uuvsâid já eeđâm: pyeri eehid.
- Ij lah ave peeivi lamaš návt šahemeeinig,
- ko aaibâs uáivist Amoc čuárvu lase leeidijd.
- Taat ruámčči evnialmai parga
- maid haalijd, ko jotá fanij rasta.
- Jiem haalijd leđe olmâ pargoost.
- Halijdâm kuittâg čäittiđ muu naavcâid
- ráppáđ ubâ muu eellimääigi,
- juuhâđ vuolâ, vijne já käähvi.
- Halijdâm et ko puoh uáinih muu,
- toh kiljoh já nuuvt läittih muu.
- Tággáár lii muu eellim tääl já ain.
- Tääl já ain.
Vyeličujoseh
[mute | mute käldee]- ↑ The copyright holder has granted permission to publish and use the song lyrics on Wikipedia. / Tahheevuoigâdvuođâi haldâšeijee lii adelâm love kevttiđ lavluu saanijd Wikipediast.