South Park

Wikipedia:st
Siirry navigaatioon Siirry hakuun
South Park logo

South Park lii ovtâstumstaatâlâš satiirilâš animaatioráiđu, mii muštâl Ovtâstum staatâi Colorado uásistaatâst leijee South Park kaavpug tábáhtusâin. Rááiđu uáivihuáđđooh láá nelji vyeliškovlâahasii kaandâ: pyeidis já karodeijee Eric Cartman, juudalâškandâ Kyle Broflovski, kievhis peruu pärni Kenny McCormick já koskâluokkalii ameriklâšperruu pärni Stan Marsh. Teemamuusik rááiđun lii ráhtám Primus. Rááiđust láá rahtum meid maaŋgah videospeelah já miälduspyevtittâsah.

Algâmuddo[Mute | Mute käldee]

Mottoomlágán ‘’South Park’’ versio rahtui ive 1992, ko Trey ParkerMatt Stone rahtijn uánihiselleekove, mast Jeesus taištâlij iällááttum morhedeijeemuotâäijih vuástá. Forgâ sunnust koijâdii laseelleekuuvijd. Stone já Parker rahtijn juovlâelleekooveest uđđâ versio, mast Jeesus vuástálisten lâi juovlâstáálu. Elleekoveh levânii Internetist. Parker já Stone finnijn maaŋgâid ohtâvuotâväldimijd elleekovefinnoduvâin, já forgâ Comedy Central faalâi pyevtittiđ puáttee rááiđu. South Park áánsust Comedy Central piäluštui koŋkursist.

Puovtâdâspajeh[Mute | Mute käldee]

Eric Cartman.svg
Kenny McCormick.svg
Kyle Broflovski.svg
Stan Marsh.svg
South Park uáivihuáđđoi oovtâkiärdánis versioh.
Puovtâdâspaje Uásih Čäittimihe Ovtâstum staatâin
Paje 1 13 1997–1998
Paje 2 18 1998–1999
Paje 3 17 1999–2000
Elleekove 1 1999
Paje 4 17 2000
Paje 5 14 2001
Paje 6 17 2002
Paje 7 15 2003
Paje 8 14 2004
Paje 9 14 2005
Paje 10 14 2006
Paje 11 14 2007
Paje 12 14 2008
Paje 13 14 2009
Paje 14 14 2010
Paje 15 14 2011
Paje 16 14 2012
Paje 17 10 2013
Paje 18 10 2014
Paje 19 10 2015
Paje 20 10 2016
Paje 21 10 2017
Paje 22 10 2018
Paje 23 10 2019
Paje 24 1 2020

Uáivihuáđđooh[Mute | Mute käldee]

  • Stanley "Stan" Marsh suuvâst muštâleh ucánjáhháá eenâb ko rááiđu eres kaandâi suuvâin. Stan peerâ lii stereotyyppisii ameriklâšperruu parodia. Suu eeji já eeni lasseen rááiđust láá meid suu viehâváldálâš päniruovdijd kevttee stuorrâuábbi Shelley, čeeci Jimbo Kern, kiäst lii jieijâs asâkävppi, äijih “Grandpa” Marvin Marsh já homoseksuaallâš peenuv Sparky. Stan pala Shellyst, já Shelly vaajeed Stan. Stan lii Kyle Broflowski pyeremus skippáár.
  • Kyle Broflowski lii Stan pyeremus skippáár. Meiddei Kyle já Stan eejih lává pyeremuuh skipáreh. Kyle lii juudalâš. Kylest láá ruopsis vuoptah, maid sun vaajeed. Ton keežild sun viggá kevttiđ kappeer, mii luávdá taid. Kyle vaanhimeh lává Sheila já Gerald Broflowski.
  • Eric Theodore Cartman lii juávhu pyeidimus kandâ. Sun lii raasist já karrood uáli ennuv. Cartmanist lává kyehti jiellâh: kissá, mon nommâ lii Mr. Kitty, já šahe, mon nommâ lii Fluffy. Cartman vaajeed puoh olmoošjuávhuid, moin sun ij lah fáárust.
  • Kenneth "Kenny" McCormick tobdeh tast, et rááiđu vuossâmuin puovtâdâspoojijn sun jaamij masa jyehi uásist. Sun sárnu nuuvt, ete lii távjá vaigâd iberdiđ, maid sun iätá. Kenny lii juávhu kievhimus kandâ. Sun áásá hirmâd hyenes visteest, já suu vaanhimeh lává pargottemes juhheeh.
  • Leopold "Butters" Stotch lii viiđâd uáivihuáđđoo. Sun ij lah veltihánnáá jyehi uásist, mut sust lii kuittâg kuávdášlâš roolâ maaŋgâin oosijn. Butters lii nánnáá, tájuttettee já ucánjáhháá káinulâš.

Jienâčaittâleijeeh[Mute | Mute käldee]

Čaittâleijee Huáđđooh
Trey Parker Stan Marsh, Eric Cartman, masa puoh almaijienah rááiđust
Matt Stone Kyle Broflovski, Kenny McCormick, Butters, Tweek Tweak, masa puoh almaijienah rááiđust
Isaac Hayes Chef (19972006)
Mary Kay Bergman Liane Cartman, Sheila Broflovski, Sharon Marsh, Carol McGormick, Wendy Testaburger (19971999)
Eliza Schneider Liane Cartman, Sheila Broflovski, Sharon Marsh, Carol McGormick, Wendy Testaburger, Shelly Marsh, rehtor Victoria, pormiäštár McDaniels, rovvá Crabtree, Estella, Helen Livvialai, sijđojienah (19992003)
Mona Marshall Sheila Broflovski, Linda Stotch, motomeh sijđohuáđđooh
April Stewart Liane Cartman, Sharon Marsh, Wendy Testaburger, sijđojienah
John Hansen Mr. Slave
Jennifer Howell Bebe Stevens
Adrien Beard Token Black

Speelah[Mute | Mute käldee]

Rááiđu vuáđuld láá rahtum čuávuvááh speelah:

Käldeeh[Mute | Mute käldee]

Icono de traducción.svgTaat artikkâl lii jurgâlus
Taat artikkâl lii puohrâkkân teikkâ uásild jurgâlum suomâkielâ Wikipedia artikkâlist «South Park».