Shirley Bassey

Shirley Bassey ive 1971

Dame Shirley Veronica Bassey (š. uđđâivemáánu 8. peeivi 1937, Cardiff, Wales, Ovtâstum kunâgâskodde) lii waleslâš lávloo. Sun lii tobdos om. James Bond -elleekuuvij Goldfinger (1964), Diamonds are Forever (1971) já Moonraker (1979) tubdâldâhlavlui lávlon.

Eellim

Shirley Veronica Bassey šoodâi uđđâivemáánu 8. peeivi 1937 Tiger Bayst, Cardiffist. Suu eeči lâi nigerialâš merâalmai Henry Bassey já suu enni lâi eŋlandlâš Eliza Jane Start. Bassey eenist lijjii jo 4 párnáá, ko sun teeivâi Henry Bassey. Sunnui šoddii kuttâ párnáá lase já Shirley lâi täin nuorâmus.