Pescara del Tronto
_-_28_luglio_2017.jpg)
Pescara del Tronto lii uccâ siijdâš Arquata del Tronto kieldâst, Ascoli Piceno eennâmkoddeest, Marche kuávlust, Italiast. Ive 2001 tobbeen assii 135 olmožid.[1][2] Tot tuušâi ollásávt ive 2016 eennâmtuárgástâsâi keežild. Siijdâ alodâh merâaaseest lii 743 m.
Historjá[mute | mute käldee]
Eennâm tuárgistij korrâsávt neljii ive 2016:
- Porgemáánu 24. peeivi 2016: 6,0 Mw
- Roovvâdmáánu 26. peeivi 2016: 5,4 Mw
- Roovvâdmáánu 26. peeivi 2016: 5,9 Mw
- Roovvâdmáánu 30. peeivi 2016: 6,5 Mw
Porgemáánu 24. peeivi 2016 Pescara del Tronto tuušâi masa ollásávt, já siijdâ ässein jammii ohtsis 52 olmožid.[3] Eennâmtuárgástâs maŋa tuše muáddi táálu lijjii vala ceggust. Toh-uv kuittâgin tuššii roovvâdmáánu loopâst, ko eennâm tuárgistij korrâsávt uđđâsist.
Staatâ lii jo meridâm, ete Pescara del Tronto ij huksejuu uđđâsist.[4] Ovdil eennâmtuárgástâsâi tobbeen assii tuše váhá paijeel čyeti olmožid, main suulân peeli jammii porgemáánu eennâmtuárgástâs tiet. Siijdâ puoh ässeeh, kiäh iä jáámmám, asâttuvvojii Marche riddokaavpugáid jo ive 2016.
Ive 2021 tile mield puoh pasâttâsah láá čorgejum meddâl siijdâ kuávdáást, mut kuávdáá ulguubeln pasâttâsâi čurgimpargoh láá vala koskân.
Käldeeh[mute | mute käldee]
- ↑ Consultazione dati del 14° Censimento Generale della Popolazione e delle Abitazioni dawinci.istat.it. Čujottum 19.4.2022. (italiakielân)
- ↑ Frazioni e località Arquata del Tronto | Comuni e Città www.comuniecitta.it. Čujottum 19.4.2022. (italiakielân)
- ↑ Terremoto: a Pescara del Tronto fiaccolata con Conte - Cronaca ANSA.it. 23.8.2018. Čujottum 19.4.2022. (italiakielân)
- ↑ Pierantozzi, Renato: «Difficilmente Pescara del Tronto sarà ricostruita lì dove stava» Cronache Picene. 8.8.2018. Čujottum 19.4.2022. (italiakielân)