Pasila kirjerááju
Pasila kirjerááju lii Helsig kaavpugkirjerááju toimâsaje Nuorttâ-Pasilast.[1] Tot lii Helsig kaavpugkirjerááju váldukirjerááju já Pasila kuávlu aldakirjerááju.[2] Kirjerááju kulá meid uáivikaavpugkuávlu Helmet-kirjerájuviärmádâhân.
Historjá[mute | mute käldee]
Kirjerááju huksiittâs lii vuávám syemmilâš arkkiteht Kaarlo Leppänen.[3] Huksiittâs julgâsiijđo tevkisčuovjis kaageleh sulâstiteh Aalto-kuávdáá kaavpugtáálu Seinäjokist.[3][4] Kirjerááju siste-uv láá vaikuttâsah Alvar Aalto kirjeráájuin tegu epinjuolgâ luándučuovâ já visteoosij vielgâdvuotâ.[3]
Ko kirjerááju valmâštui ive 1986, tast šoodâi Helsig kaavpugkirjerááju váldukirjerááju Rikhardinkadun kirjerááju sajan.
Čuágálduvah[mute | mute käldee]
Kirječuágálduvah[mute | mute käldee]
- Kirjevuárkká
Ive 2007 rääjist kirjerááju lii toimâm Helsig, Espoo, Vantaa já Kauniaisii kaavpugkirjeráájui ohtâsâš kuávlulâš vuárkkákirjerááijun. Tobbeen láá paijeel 200 000 kirjed já paijeel 900 loostâ ihenumerid.
Muusikčuágálduvâh[mute | mute käldee]
Ko Kirjerááju 10 lopâttui čohčuv 2018, te puoh ton CD- já LP-skiäruh sirdojii Pasilan. Ive 2019 Pasila kirjeráájust lijjii suulân 30 000 CD-skiärrud.[5]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Pasila kirjerááju.
Käldeeh[mute | mute käldee]
- ↑ Yhteystiedot Helmet. Čujottum 25.9.2022. (suomâkielân)
- ↑ Pasilan kirjasto kirjastot.fi. Čujottum 25.9.2022. (suomâkielân)
- ↑ 3,0 3,1 3,2 Vartola, Anni: Julkiset kirjastot ja kirjastoarkkitehtuuri 1900-luvun jälkipuolella (PDF) Museovirasto. Čujottum 25.9.2022. (suomâkielân)
- ↑ Rantasalo, Joona: Koriste kiinnostaa: Kaakeli on kaunis! Arkkitehtuurmuseo. Čujottum 25.9.2022. (suomâkielân)
- ↑ Pasilan kirjastossa on nyt 30 000 cd-levyä Helmet. 25.9.2019. Čujottum 25.9.2022. (suomâkielân)