Margot Robbie

Wikipedia:st
Njuškii navigistmân Njuškii ucâmân
Margot Robbie
SYDNEY, AUSTRALIA - JANUARY 23 Margot Robbie arrives at the Australian Premiere of 'I, Tonya' on January 23, 2018 in Sydney, Australia (28074883999) (cropped 2).jpg
Persovntiäđuh
Šoddâm syeinimáánu 2. peeivi 1990 (ahe 31)
Dalby, Queensland, Australia
Karrieer
Aktiivlâžžân 2007–
Merhâšittee roolah About Time
The Wolf of Wall Street
Neighbours
Pan Am
DC Extended Universe
I, Tonya
Once Upon a Time in Hollywood
Bombshell
Lasetiäđuh
Nommâčáálus Margot Robbie signature.svg
IMDb-sijđo IMDb

Margot Elise Robbie (š. 2. syeinimáánu 1990 Dalby, Queensland) lii australialâš čaittâleijee já elleekovepyevtitteijee. Sun lii lamaš kuohtii Oscar-[1][2], kulmii Golden Globe- já vittii Bafta-iävtukkâssân.

Robbiest lii pyevtittemfinnodâh LuckyChap Entertainment, mon sun vuáđudij oovtâst kálláinis Tom Ackerleyin, já ustevijnis Josey McNamarain já Sophia Kerráin.[3][4] Finnoduvâst lii tááláá ääigi mieldi meid Dani Gorin.[5]

Eellim[mute | mute käldee]

Margot Elise Robbie šoodâi syeinimáánu 12. peeivi 1990 Dalbyst, Australiast Sarie Kesslerân já Doug Robbien. Suu eeči kuittâg vuolgij ko Robbie lâi aaibâs ucce, já nuuvtpa suu eenist šoodâi neelji päärni ohtuunishuolâtteijee. Robbie ij toolâ ohtâvuođâ iäččásis.[6]

Robbie lâi jo nuorrân perustum čaittâlmist, já sun uásálistij draamatiijmijd Somerset Collegest.[7]

Karrieer[mute | mute käldee]

Valmâštum maŋa ive 2007 Robbie oinui kyevti páihálâš elleekooveest: Vigilante (2008) já I.C.U. (2009). Tast maŋa sun varrij Melbournen, kost sun finnij roolâ TV-rááiđust Neighbours, já čaittâlij tast iivij 2008–2011. Siämmáá ääigi sust lâi meid sárnumvälmejeijee, kiäin sun máttááttâlâi ameriklâš aksent, ete puávtáččij čaittâliđ Hollywoodist.

Ko Robbie varrij Los Angelesân, sun uážui jotelávt roolâ TV-rááiđust Pan Am (2011–12). Sust lâi meid uccâ roolâ elleekooveest About Time (2013). Martin Scorsese The Wolf of Wall Street (2013) lâi kuittâg tot elleekove, mast Robbie karrieer tuođâi vuolgij pajaniđ. Sun čaittâlij tast uáivipersovn (Leonardo DiCaprio) palhâšumekáálgu. Ive 2015 almostuvvii ohtsis 4 elleekove, main Robbie čaittâlij: sun lâi Will Smitháin elleekooveest Focus, Michelle WilliamsáinKristin Scott Thomasáin elleekooveest Suite Française, Chiwetel EjioforáinChris Pinein elleekooveest Z for Zachariah, já Adam McKay elleekooveest The Big Short.

Ive 2016 Robbie čaittâlij Jane Porter David Yates elleekooveest The Legend of TarzanHarley Quinn David Ayer elleekooveest Suicide Squad. Čuávuváá ive sun lâi elleekooveest I, Tonya, mast sun čaittâlij luistâleijee Tonya Harding. Sun lâi rolâstis Oscar-iävtukkâssân.[8][9] Tast maŋa sun čaittâlij eereeb iärrás Elizabeth I Josie Rourke elleekooveest Mary Queen of Scots (2018) já Sharon Tate Quentin Tarantino elleekooveest Once Upon a Time in Hollywood (2019). Maŋeláá sun maacâi meid Harley Quinn roolân elleekuuvijn Birds of Prey (2020) já The Suicide Squad (2021).[7]

Fáádást eres soojijn[mute | mute käldee]

Käldeeh[mute | mute käldee]

  1. Oscars 2018: The complete list of winners and nominees for the 90th Academy Awards latimes.com. Čujottum 16.4.2022. (eŋgâlâskielân)
  2. Variety Staff: Oscar Nominations 2020: The Complete List Variety. 9.2.2020. Čujottum 16.4.2022. (eŋgâlâskielân)
  3. Romeyn, Kathryn: Inside Margot Robbie’s Homey New L.A. LuckyChap Entertainment Office Architectural Digest. 9.8.2019. Čujottum 16.4.2022. (eŋgâlâskielân)
  4. Van Meter, Jonathan: Tarzan’s Margot Robbie on Why She’s No Damsel in Distress Vogue. 13.5.2016. Čujottum 16.4.2022. (eŋgâlâskielân)
  5. Andreeva, Nellie: LuckyChap Entertainment Names Media Res’ Dani Gorin President Of Television Deadline. 16.2.2022. Čujottum 16.4.2022. (eŋgâlâskielân)
  6. Karishma Sarkari: Margot Robbie's dad revealed to be sugarcane tycoon Doug Robbie Mail Online. 15.8.2016. Čujottum 16.4.2022.
  7. 7,0 7,1 Margot Robbie | Biography, Movies, Wolf of Wall Street, & Facts | Britannica www.britannica.com. Čujottum 25.4.2022. (eŋgâlâskielân)
  8. Brooks Barnes: Oscar Nominations 2018: ‘The Shape of Water’ Leads the Race The New York Times. 23.1.2018. Čujottum 29.4.2022. (eŋgâlâskielân)
  9. Oscars 2018: The complete list of winners and nominees for the 90th Academy Awards latimes.com. Čujottum 29.4.2022. (eŋgâlâskielân)