Kielâtipšom

Kielâtipšom meerhâš kielâ stivrim adai sierâlágán vuovijd vaiguttiđ kielâkevttimân. Huámmášume kiddejuvvoo eromâšávt kirjekielân. Kielâtipšomist láá maaŋgah merhâšumeh. Käržimuu miäruštâllâm mield tot meerhâš tuše riävtuičäällim tipšom. Tot puáhtá leđe meiddei sujâttem, kielâ ráhtusij, sänirááju já noomâi tipšom. Tot puáhtá merhâšiđ meid ubâ teevstâ tipšom teikâ kielâ sajaduv tipšom adai kielâpolitiik. Sämikielâst kielâtipšom siskeeld meid kielâkevttei aktivistem kevttiđ ucceeblovokielâ.

Keejâ meid

• Anarâškielâ tivvoomohjelm
• Kielâteknologia