Jursseeh

Jursseeh Rodentia (Bowdich, 1821)
Tieđâlâš luokittâllâm
Doomeen	Sellâvááimusliih Eucarya
Kodde	Elleekodde Animalia
Uáiviráiđu	Savosuonâsiih Chordata
Vyeliráiđu	Čielgitávtáliih Vertebrata
Luokka	Njomâtteijeeh Mammalia
Vyeliluokka	Šoddâdeijee njomâtteijeeh Theria
Uásiluokka	Vuosâmaadâlâš njomâtteijeeh Eutheria
Lahko	Jursseeh Rodentia

Jursseeh (Rodentia) láá njomâtteijei lahko. Jurssei lahko lii maaŋgâhámásâš, já toh láá levânâm pirrâ maailm, peic iä Maadânanamân. Jursseešlaajah láá ohtsis suulân 2 200, moh kuleh 30 sierâ hiäimun. 40 % njomâtteijei šlaajâin láá jursseeh. Jurssei lahko lii-uv njomâtteijei lahkoin valjaamus. Iänááš jursseeh láá uccâ, neeljijuolgâg já kuhesseeibâg elleeh. Toi juolgijn láá távjá koozah. Ton lasseen jurssei tobdomeerhah láá kuhes tobdokuolgah, jurssemân suáppee päänih já kääibih.

Jurssei vyelilahkoh láá:

• Uárreelágáneh jursseeh (Sciuromorpha)
• Säpliglágáneh jursseeh (Myomorpha)
• Marsulágáneh jursseeh (Caviomorpha)

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Jursseeh.