Dnipropetrovsk kuávlu
Dnipropetrovsk kuávlu (ukrainakielân Дніпропетровська область) lii haaldâtlâš kuávlu kuávdoo Ukraina. Kuávlu vijđodâh lii 31 914 km² já ive 2021 tobbeen assii 3 142 035 olmožid. Ton ránnjákuávluh láá nuorttân Donetsk kuávlu, mäddin Zaporižžja já Herson kuávluh, uárjin Mykolajiv já Kirovohrad kuávluh sehe tavveen Pultava já Harkova kuávluh. Kuávlu já Dnipro pirrâduv haaldâtlâš kuávdáš lii Ukraina niäljádin stuárráámus kaavpug Dnipro, kost ive 2021 aalgâst assii 980 948 olmožid.[1]
Haldâttâh já politiik
[mute | mute käldee]Haaldâtlâš jyehim
[mute | mute käldee]Pirrâduvah
[mute | mute käldee]Ukraina kuávluhaldâttuv vuossâmuu tääsist láá kuávluh já nube tääsist pirrâduvah (ukrainakielân район). Ive 2020 räi Dnepropetrovsk kuávlu lâi juohhum 22 pirrâdâhân já 13 kaavpugpirrâdâhân, mut syeinimáánu 2020 kuávlu-uđâsmitmist Ukraina alemus rääđi meridij, ete Dnipropetrovsk kuávlun kuleh innig čiččâm pirrâdâhhâd:
| Nommâ | Ukrainakielâg nommâ[1] | Ässeeloho (2021)[1] | Kaavpugliih (%, 2021)[1] |
Vijđodâh (km²) |
Haaldâtlâš kuávdáš (ässeeloho 2021)[1] |
Sajadâh káártást |
|---|---|---|---|---|---|---|
| Dnipro pirrâdâh | Дніпровський район | 1 159 302 | 90.6 | 5 605,6 | Dnipro (980 948 ässed) |
|
| Kamjanske pirrâdâh | Кам’янський район | 430 066 | 86.1 | 4 803,4 | Kamjanske (229 794 ässed) |
|
| Kryvyi Rih pirrâdâh | Криворізький район | 755 667 | 87.4 | 5 724,9 | Kryvyi Rih (612 750 ässed) |
|
| Nikopol pirrâdâh | Нікопольський район | 255 505 | 80.6 | 3 404,6 | Nikopol (107 464 ässed) |
|
| Novomoskovsk pirrâdâh | Новомосковський район | 169 275 | 62.5 | 3 478,2 | Novomoskovsk (70 230 ässed) |
|
| Pavlohrad pirrâdâh | Павлоградський район | 169 509 | 78.2 | 2 430,1 | Pavlohrad (103 073 ässed) |
|
| Synelnykove pirrâdâh | Синельниківський район | 202 711 | 57.4 | 6 467,2 | Synelnykove (30 021 ässed) |
|
Viehâdâh
[mute | mute käldee]Kaavpugeh
[mute | mute käldee]Dnipro lii sehe kuávlu já Dnipro pirrâduv haaldâtlâš kuávdáš. Tot lii meid Ukraina niäljádin stuárráámus kaavpug. Tobbeen assii ive 2021 aalgâst 980 948 olmožid.[1] Kuávlu eres stuárráámuuh kaavpugeh ive 2021 lijjii Kryvyi Rih (612 750 ässed, Ukraina kávcádin stuárráámus kaavpug), Kamjanske (229 794 ässed), Nikopol (107 464 ässed), Pavlohrad (103 073 ässed), Novomoskovsk (70 230 ässed), Marhanets (45 718 ässed), Žovti Vody (42 509 ässed), Pokrov (38 111 ässed) já Synelnykove (30 021 ässed).[1]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Dnipropetrovsk kuávlu.
Käldeeh
[mute | mute käldee]